Ekki breytingar heldur bylting

Gervigreind er til umfjöllunar í Vísbendingu, einu sinni sem oftar.

Magnús Halldórsson 11. maí 2018

Notkun gervigreindar við vinnu er til umfjöllunar í útgáfu Vísbendingar, þar sem Lilja Dögg Jónsdóttir, hagfræðingur og MBA frá Harvard háskóla, heldur áfram að skrifa um breytingar á störfum vegna innleiðingar á tækni og gervigreind.

Í greininni er meðal annars fjallað ítarlega um alþjóðlega könnun sem unnin var við MIT háskólann, sem gefur til kynna að miklar og hraðar breytingar séu að eiga sér stað á hagkerfum, vegna innleiðingar gervigreindar.

Lilja Dögg Jónsdóttir, hagfræðingur og MBA frá Harvard.

„Ráðgjafarfyrirtækið BCG vann ásamt MIT háskóla umfangsmikla könnun meðal stjórnenda fyrirtækja sem gaf meðal annars til kynna að 85% stjórnenda, þvert á geira, telja gervigreind vera lykilinn að því að ná eða viðhalda samkeppnisforskoti síns fyrirtækis. 60% stjórnenda sögðu stefnumótun um notkun gervigreindar áríðandi verkefni, það er að segja verkefni sem ætti að hafa forgang. Enn sem komið er hefur aðeins um eitt af hverjum tuttugu fyrirtækjum innleitt gervigreind að einhverju marki en athygli vekur að það eru fyrirtæki í öllum geirum.

Þetta er skýr vísbending um það sem við ættum að vita nú þegar. Gervigreind er tækni sem mun hafa áhrif á allt í kringum okkur, bæði í daglegu lífi og í starfi. Þótt breytinga gæti enn sem komið er aðeins sums staðar þá eru þær á stefnuskránni nær alls staðar. Það er raunar svo að það er varla rétt lengur að tala um breytingar. Þetta er bylting,“ segir meðal annars í greininni, sem fer til áskrifenda í útgáfu dagsins á morgun.

Hægt er að gerast áskrifandi að Vísbendingu hér.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.

Já takk, ég vil styrkja Kjarnann!

Orðafjöldi: 334 Færslan birtist fyrst: 11. maí 2018, kl. 19:00