Fjár­mála- og efna­hags­ráðu­neytið og Kaup­þing hafa náð saman um að for­kaups­réttur rík­is­ins á hlutum í bank­anum verði „að­lag­að­ur“ á þann hátt að hann muni ekki gilda við frum­skrán­ingu Arion banka á skipu­legan verð­bréfa­markað og sölu á hlutum Kaup­þings/­Kaup­skila sem fyr­ir­huguð er í tengslum við skrán­ing­una. 

­For­kaups­rétt­ur­inn muni hins vegar að öðru leyti standa óhagg­aður eftir það. Frá þessu er greint í til­kynn­ingu frá íslenska rík­inu.

For­kaups­réttur íslenska rík­is­ins var tryggður í stöð­ug­leika­samn­ingi við kröfu­hafa Arion banka. Sam­kvæmt honum virkj­ast réttur rík­is­ins til að ganga inn í við­skipti með hluti í Arion banka ef verðið í þeim við­skiptum fer niður fyrir 0,8 krónur á hverja krónu af bók­færðu eigin fé Arion banka.

Aðlög­unin felur því í sér að hægt verði að selja hluti í Arion banka á lægra verði en því í útboð­inu sem greint var frá í morgun að muni fara fram fyrir júní­lok. 

Í frétta­til­kynn­ingu frá ráðu­neyt­inu segir að áskilið sé að núver­andi hlut­hafar í Arion banka, sem einnig eru hlut­hafar í Kaup­þingi, stærsta eig­anda Arion banka, muni ekki auka við hlut sinn við frum­skrán­ing­una.

Söluandvirði þeirra hluta­bréfa sem seld verða í tengslum við skrán­ing­una munu renna inn á skulda­bréf sem Kaup­þing gaf út í tengslum við gerð stöð­ug­leika­samn­ing­anna. Eft­ir­stöðvar þess eru nú 29 millj­arðar króna.

Í til­kynn­ing­unni seg­ir: „Ríkið mun fylgj­ast grannt með skrán­ing­ar- og sölu­ferl­inu og mun til­nefna eft­ir­lits­að­ila sem mun fylgj­ast með og hafa aðgang að öllum upp­lýs­ingum og gögnum sem varða ferl­ið.“

Kjarn­inn mun fjalla ítar­lega um málið í frétta­skýr­ingu síðar í dag.