Margt bendir til sam­dráttar í ferða­þjón­ustu og að vænt­ingar um vöxt ­grein­ar­innar í ár gangi ekki eft­ir, að því er segir í Morg­un­blað­inu, en þar er rætt við rekstr­ar­að­ila í grein­inni sem segj­ast finna fyrir skýrum kóln­un­ar­ein­kenn­um. 

Eru það meðal ann­ars hót­el­eig­end­ur, veit­inga­húsa­eig­andi og eig­andi afþrey­ing­ar­fyr­ir­tæk­is. Flestir kvarta undan sterku gengi krón­unn­ar, og að aug­ljóst sé að ferða­menn eyði minnu nú en áður.

Hrefna Sætran veit­inga­húsa­eig­andi segir að margir séu nú farnir að hag­ræða. „Það er verið að loka ­stöðum í mið­bæn­um. Þetta er allt orðið erf­ið­ar­a,“ segir Hrefna í við­tali við Morg­un­blað­ið. 

Í nýj­ustu pen­inga­málum Seðla­banka Íslands er einnig fjallað um, að nokkuð sé tekið að hægja á vexti í ferða­þjón­ust­unni eftir ævin­týra­legan upp­gang á und­an­förnum árum. 

Um 40 pró­sent af gjald­eyr­is­tekjum þjóð­ar­búss­ins koma til vegna ferða­þjón­ustu en spár gerðu ráð fyrir því, í byrjun árs, að þær gætu farið í hátt í 600 millj­arða króna á þessu ári. 

Í fyrra komu um 2,3 millj­ónir manna til lands­ins. Aukn­ingin hefur verið svo til stans­laus allt frá árinu 2010, þegar innan við 500 þús­und ferða­menn sóttu landið heim.