Í aðdrag­anda þess að Don­ald Trump Banda­ríkja­for­seti átti fund með Petro Poros­hen­ko, for­seta Úkra­ínu, í júní í fyrra, barst lög­manni hans, Mich­ael Cohen, greiðsla frá Úkra­ínu upp á 400 þús­und Banda­ríkja­dali, rétt um 40 millj­ónir króna.

Sam­kvæmt umfjöllun breska rík­is­út­varps­ins BBC barst greiðslan frá yfir­völdum í Úkra­ínu, og fólki sem stendur for­set­anum nærri. 

Heim­ild­ar­maður BBC segir að Poros­henko hafi fram að fundi hans með Trump, gengið erf­ið­lega að fá fund og aðeins hafa getað gert sé vonir um að ná mynd af sér með Trump í Was­hington DC.

Greiðslan til Cohen leiddi hins vegar til þess, að hann náði að fá fund með for­set­an­um. 

Áður hefur komið fram, að Paul Mana­fort, sem stýrði fram­boði Trumps um skeið, hafi fengið millj­ónir Banda­ríkja­dala í greiðslur frá þrýsti­hópum í rúss­neskra yfir­valda í Úkra­ín­u. 

Mana­fort hefur þegar játað á sig lög­brot, meðal ann­ars að hafa ekki sagt banda­rísku alrík­is­lög­regl­unni FBI satt og rétt frá, en hann neita að öðru leyti sök og hefur tekið undir með Don­ald Trump, um að rann­sókn Roberts Muell­er, sak­sókn­ara, á afskiptum Rússa af for­seta­kosn­ing­unum 2016, sé fyrst og síð­ast norna­veið­ar. 

Þrátt það tal, þá hefur Mueller haldið áfram rann­sókn sinni, en búist er við því að hún taki enda í haust.