Skuldir Brims við Lands­bank­ann ­nema orðið yfir­ 20 pró­sentum af eig­in­fjár­grunn­i ­bank­ans eftir að ­bank­inn fjár­magn­aði 22 millj­arða króna kaup sjáv­ar­út­vegs­fé­lags­ins á ríf­lega þriðj­ungs­hlut í HB Granda. 

Frá þessu er greint í Mark­aðnum í dag, en skuld­bind­ing Brims gagn­vart Lands­bank­anum er nú yfir 45 millj­arðar króna en eigið fé Lands­bank­ans, sem íslenska ríkið á um 99 pró­sent hlut í, nemur um 225 millj­örðum króna.

Bank­inn er ekki reiðu­bú­inn til þess að lána Brimi fyrir kaup­um á stærri hlut, sam­kvæmt heim­ild­umMark­að­ar­ins, enda gæti þá áhætta hans gagn­vart sjáv­ar­út­vegs­fé­lag­in­u fljótt farið yfir 25 pró­senta leyfi­lega há­markið sem kveðið er á um í reglum Fjár­mála­eft­ir­lits­ins. 

Í umfjöll­un­inni segir enn fremur að það sé ekki til þess fallið að auð­velda Brimi að fjár­magna kaup­in, að virði um þriðj­ungs­hlutar félags­ins í Vinnslu­stöð­inni í Vest­manna­eyjum er metið nærri tvölfalt meira í efna­hags­reikn­ingi Brims heldur í nýlegu verð­mati á Vinnslu­stöð­inn­i. 

Fjár­mögn­unin sem bank­inn veitti Brimi fyrir kaupum á rúm­lega 34 pró­sent hlut í HB Granda var tekin fyrir hjá banka­ráði Lands­bank­ans, að sögn Mark­að­ar­ins, en ákveðið var að sam­þykkja hana með ströngum skil­yrðum um veð­setn­ingu eigna.

Skuld­bind­ing Brims gagn­vart Lands­bank­anum er sam­tals yfir 45 millj­arðar króna, eða sem nem­ur ­meira en 20 pró­sentum af 225 millj­arða króna eig­in­fjár­grunn­i ­bank­ans, sem gerir sjáv­ar­út­vegs­fé­lag­ið að einum stærsta skuld­ar­a ­bank­ans