Þjóð­ar­leið­togar víða um heim, ekki síst í Evr­ópu, hafa harð­lega gagn­rýnt Don­ald Trump Banda­ríkja­for­seta og banda­rísk stjórn­völd, fyrir að setja á sér­tæka tolla á inn­flutt stál og ál. Toll­ur­inn er 25 pró­sent á inn­flutt stál og 10 pró­sent á inn­flutt ál, en ákvörð­unin um hækk­un­ina á toll­unum tekur gildi í dag, og nær til Evr­ópu­sam­bands­ins, Kanada og Mexík­ó. 

Í yfir­lýs­ingu frá Jean-Claude Junker, for­seta fram­kvæmda­stjórnar Evr­ópu­sam­bands­ins, segir að ákvörð­unin um að leggja á fyrr­nefnda tolla sé óásætt­an­leg og að Evr­ópu­sam­bandið muni taka málið upp innan Alþjóða­við­skipta­stofn­un­ar­innar enda sam­ræm­ist hún ekki alþjóð­legum við­skipta­samn­ing­um. Þá er jafn­vel talið að Evr­ópu­sam­bandið muni bregð­ast við með tollum sem bein­ast gegn Banda­ríkj­un­um.

Í umfjöllun breska rík­is­út­varps­ins BBC segir að Macron Frakk­lands­for­seti hafi hringt í Banda­ríkja­for­seta og sagt að þetta væru mikil mis­tök. 

Svip­aðar raddir hafa heyrst víða um heima, meðal ann­ars í Bret­landi, þar sem aðgerðir Banda­ríkja­stjórnar eru sagðar van­hugs­aðar og feli í sér vernd­ar­stefnu á kostnað hags­muna heild­ar­inn­ar. 

Heild­ar­inn­flutn­ingar á stáli og áli frá Evr­ópu, Kanada og Mexíkó til Banda­ríkj­anna í fyrra, nam 23 millj­örðum Banda­ríkja­dala, eða sem nemur um 2.500 millj­örðum króna. Inn­flutn­ing­ur­inn nam í heild um 48 millj­örðum Banda­ríkja­dala.

Aðgerðir banda­rískra yfir­valda eru einnig umdeildar í Banda­ríkj­un­um, en margir telja aðgerð­irnar til þess fallnar að hefta frelsi í við­skiptum og grafa undan sam­keppn­is­hæfni atvinnu­greina sem byggja meðal ann­ars á úrvinnslu úr stáli og áli. Í versta falli geti kostn­aður auk­ist hratt, rekstur versnað og störfum þannig fækk­að.