Kjara­ráð neitar að af­henda Frétta­blað­inu afrit af fund­ar­gerð­u­m sín­um. Frá þessu er greint í Frétta­blað­inu í dag, og hefur blaðið kært synj­un­ina.

Í umfjöllun Frétta­blaðs­ins kemur fram, að kjara­ráð líti svo á að ráðið hafi ekki verið stjórn­vald í tíð eldri laga ­sem um það giltu, og því geti það neitað að afhenda gögnin sem blaðið hefur beðið um, þar sem upp­lýs­inga­lög eigi ekki við um starf­semi þess. 

Frétta­blaðið bað þann 28. nóv­em­ber á síð­asta ári um afrit af fund­ar­gerð­u­m ráðs­ins frá upp­hafi árs 2008 til dags­ins í dag. Tæpum þrem­ur vikum síðar var beiðnin ítrekuð og að auki beðið um afrit af bréfum frá­ þeim sem undir ráðið heyrðu til þess á sama tíma­bil­i. 

Óhætt er að segja á ákvarð­anir kjara­ráðs á und­an­förnum árum hafi verið umdeild­ar, og hafa aðilar vinnu­mark­að­ar­ins, bæði Sam­tök atvinnu­lífs­ins og ASÍ, meðal ann­ars mót­mælt ákvörð­unum ráðs­ins harð­lega, og þá einkum og sér í lagi miklum launa­hækk­unum ráða­manna í land­inu, ráð­herrum, þing­mönnum og æðstu stjórn­endum stofn­anna rík­is­ins.

Í umfjöllun Frétta­blaðs­ins kemur fram,  að ráðið telji sig ekki þurfa að afhenda gögn­in, þar sem gögnin sem beðið er um séu frá gild­is­tíma eldri laga. Sam­kvæmt núgild­andi lögum um kjara­ráð gilda stjórn­sýslu- og upp­lýs­inga­lög­in.

For­maður kjara­ráðs er Jónas Þór Guð­munds­son hrl.