Steingrímur: Bæta þarf samskipti ríkisstjórnar og Alþingis

Störfum þingsins hefur nú lokið að sinni. Í ávarpi forseta Alþingis sagði hann meðal annars að taka þyrfti skipulag þingstarfanna og starfshætti á Alþingi til endurskoðunar.

Steingrímur J. Sigfússon
Steingrímur J. Sigfússon
Auglýsing

Bæta þarf sam­skipti rík­is­stjórnar og Alþingis við fram­lagn­ingu stjórn­ar­mála og taka þarf skipu­lag þing­starf­anna og starfs­hætti á Alþingi einnig til end­ur­skoð­un­ar. Þetta sagði Stein­grímur J. Sig­fús­son for­seti Alþingis í ávarpi sínu við frestun þing­funda í gær. 

Varð­andi sam­skipti rík­is­stjórnar og Alþingis sagði hann að for­sætis­nefnd og for­menn þing­flokka hefðu átt um þetta efni gagn­legan fund með for­sæt­is­ráð­herra um miðjan apríl síð­ast­lið­inn. „Ljóst er að einkum tvennt brennur á þing­mönnum í þessum efn­um. Hið fyrra er að breyta þarf vinnslu­ferli mála innan Stjórn­ar­ráðs­ins og aðgreina end­ur­flutt þing­mál og ný mál. Þannig má tryggja að end­ur­fluttu málin komi fram snemma á haust­þingi en drag­ist ekki fram undir loka­fresti fyrir jól eða að vori,“ sagði hann. 

Í annan stað hefðu verið uppi óskir um að þing­mála­skrá rík­is­stjórnar væri upp­færð reglu­lega á vef Stjórn­ar­ráðs­ins og þess gætt að hún væri raun­hæf lýs­ing á vinnslu­stöðu mála. Það myndi auka fyr­ir­sjá­an­leika í skipu­lagn­ingu þing­halds­ins en eftir slíku væri mjög kallað af hálfu þing­manna. „Þeir vilja eðli­lega geta skipu­lagt tíma sinn betur en nú er hægt. Hæstv. for­sæt­is­ráð­herra hefur tekið vel í þessar ábend­ingar og bind ég því vonir við að sjá breyt­ingar í þessum efnum á næsta þing­i.“

Auglýsing

Þarf að auka fyr­ir­sjá­an­leika í störfum þings­ins

Stein­grímur sagði, eins og áður hefur komið fram, að skipu­lag þing­starf­anna og starfs­hætti á Alþingi þyrfti einnig að taka til end­ur­skoð­un­ar, meðal ann­ars í því skyni að auka fyr­ir­sjá­an­leika í störfum þings­ins. Um það væru allir þing­flokkar sam­mála. 

„Nið­ur­staðan varð því sú í mars sl. að koma á fót vinnu­hópi til að sinna þessum málum og er hann auk for­seta skip­aður einum full­trúa frá stjórn­ar­liðum og öðrum frá stjórn­ar­and­stöðu. Hóp­ur­inn hefur þegar komið saman til skrafs og ráða­gerða en vegna anna í þing­störfum hefur honum ekki tek­ist að ljúka störf­um. Engu að síður tel ég að þegar hafi komið fram, bæði í umræðum við for­menn þing­flokka og í vinnu­hópn­um, ýmsar góðar hug­myndir sem mik­il­vægt er að vinna frekar úr. Ég hef ein­sett mér að þetta starf haldi áfram á haust­þing­inu. Vissum hlutum hefur þegar verið hrint í fram­kvæmd, eins og t.d. að senda for­mönnum allra þing­flokka í lok hverrar viku dag­skrá þess mánu­dags sem í hönd fer og drög að funda­haldi út næstu viku,“ sagði Stein­grím­ur. 

Störf þings­ins mót­ast af sér­stökum aðstæðum

Stein­grímur benti á að þingið hefði verið fremur stutt, reglu­legt þing­hald hefði sem sagt haf­ist þremur mán­uðum síðar en venju­lega, og hefðu þau gert þar í við­bót rúm­lega hálfs mán­aðar hlé vegna sveit­ar­stjórn­ar­kosn­inga. „Eins og við er að búast hafa störf þings­ins mót­ast af þessum aðstæð­um. Rík­is­stjórnin hafði skemmri tíma til að und­ir­búa mál fyrir Alþingi en ella hefði ver­ið. Þing­mála­skrá rík­is­stjórnar sem lögð var fram í upp­hafi þings var því í reynd yfir­lit yfir mál sem voru í vinnslu og kynnu að koma fyrir þingið fremur en raun­hæfur verk­efna­list­i,“ sagði hann. 

„Við lok þing­halds­ins vil ég þakka öllum alþing­is­mönnum fyrir sam­starf­ið. Eðli­lega greinir þing­menn á um ýmis mál, en hér á Alþingi hefur almennt ríkt góður andi og ríkur sam­starfsvilji og vil ég þakka fyrir það. Þá hefur þetta þing, þótt stutt sé, afka­stað miklu og leitt mörg stór mál til lykta með far­sælum hætti. Alls 84 frum­vörp hafa orðið að lögum og þingið hefur sam­þykkt 29 álykt­an­ir.

Ég færi vara­for­setum sér­stakar þakkir fyrir ágæta sam­vinnu við stjórn þing­halds­ins, svo og for­mönnum flokk­anna og þing­flokka fyrir mjög gott sam­starf. Skrif­stofu­stjóra og starfs­fólki Alþingis þakka ég góða aðstoð og mjög mikið og gott starf og sam­vinnu í hví­vetna þar sem mikið hefur mætt á, ekki síst nú síð­ustu dag­ana.

Ég óska utan­bæj­ar­mönnum góðrar heim­ferðar og ánægju­legrar heim­komu og vænti þess að við hitt­umst öll heil þegar Alþingi kemur saman að nýju í næsta mán­uð­i,“ sagði Stein­grímur í ávarpi sín­u. 

Minkaræktun í Kína
Loðdýrabú rekin með tapi síðustu ár
Loðdýrabú hafa verið rekin með tapi hér á landi undanfarin fjögur ár og minkabændum fækkað. Greinin óskaði eftir fjárhagsaðstoð frá stjórnvöldum í fyrra og sett hefur verið á laggirnar nefnd til að greina vanda greinarinnar.
Kjarninn 19. mars 2019
Snöggkólnar á fasteignamarkaði
Kólnað hefur á fasteignamarkaði, miðað við það sem verið hefur undanfarin ár.
Kjarninn 19. mars 2019
Smári McCarthy
Trúverðugleiki stofnana
Kjarninn 19. mars 2019
Joachim Fischer
Hinn heilagi ritstjóri Bændablaðsins
Kjarninn 19. mars 2019
Hælisleitendur mótmæla fyrir framan Alþingishúsið
Þrír handteknir við Alþingishúsið
Þrír voru handteknir við Alþingishúsið í dag eftir að lögreglan var kölluð þangað vegna mótmæla hælisleitenda. Samtökin Refugees in Iceland segja að um friðsöm mótmæli hafi verið að ræða og að þau hafi ekki ætlað að hindra aðgengi að Alþingi.
Kjarninn 19. mars 2019
Róbert R. Spanó, lögmaður og dómari við Mannréttindadómstól Evrópu
Telur tregðu íslenskra dómstóla að fylgja dómum MDE vera á undanhaldi
Róbert Spanó, dómari við Mannréttindadómstóll Evrópu, telur að upphafleg tregða íslenskra dómstóla til þess að fylgja dómum dómstólsins sé á undanhaldi og að undanfarna áratugi hafi íslenskir dómstólar leitast við að eiga samstarf við dómstólinn.
Kjarninn 19. mars 2019
Kristján Þórður Snæbjarnarson
Iðnaðarmenn slíta viðræðum við SA
Iðnaðarmenn slitu samningaviðræðum við Samtök atvinnulífsins fyrir hádegi í dag. Kristján Þórður Snæbjarnarson, talsmaður iðnaðarmanna, segir að nú hefjist undirbúningur verkfallsaðgerða.
Kjarninn 19. mars 2019
Flóttafólk mótmælir á Austurvelli. Búið er að taka tjaldið niður.
Sér ekki hvernig sérstök smithætta eigi að vera af því að fólk setji upp tjald
Sóttvarnalæknir hefur meiri áhyggjur af hreinlætisaðstöðu víðs vegar um landið fyrir ferðamenn en að flóttafólk hafi safnast saman á Austurvelli.
Kjarninn 19. mars 2019
Meira úr sama flokkiInnlent