„Við stofn­endur Víðis ehf., sem rek­ið hefur 5 mat­vöru­versl­anir á höf­uð­borg­ar­svæð­inu undir sama nafn­i, höfum frá og með deg­inum í dag hætt rekstri þeirra,“ segja Eirík­ur ­Sig­urðs­son og Helga Gísla­dótt­ir, eig­endur Víð­is, í yfir­lýs­ingu sem birt er í Morg­un­blað­inu í dag.

Í henni segir að því miður hafi rekst­ur­inn ekki gengið nægi­lega „enda erfitt að keppa við aðila sem hafa mark­aðs­ráð­and­i ­stöðu á grund­velli ­stærðar og stuðn­ings frá helstu líf­eyr­is­sjóð­u­m lands­ins“. 



Má gera ráð fyrir að þarna sé átt við Haga, sem rekur versl­anir undir merkjum Bónus og Hag­kaup, en stærstu eig­endur þess fyr­ir­tækis eru líf­eyr­is­sjóð­ir.

Ekki liggur fyrir hvort óskað hafi verið eftir gjald­þrota­skipt­um, eða hvort fyr­ir­tækið ein­fald­lega hættir starf­semi.

Stétt­ar­fé­lagið VR, þar sem starfs­menn Víðis eru margir hverjir félags­menn, hefur fengið upp­lýs­ingar frá starfs­mönnum um að Víðir sé á leið í þrot, en í Morg­un­blað­inu kemur fram að ekki hafi feng­ist stað­fest hvernig staðan í reynd. 

Það skýrist eflaust á næstu dög­um.