Hluta­bréf í Arion banka hækk­uðu um 18,4% frá útboðs­gengi, á fyrsta degi við­skipta með bréfin í Kaup­höll Íslands. Í sænsku kaup­höll­inni nam hækk­unin 11,5 pró­sent, en veltan með bréfin var mun meiri í Sví­þjóð enn hér á land­i. 

Veltan var um 74 millj­ónir á Íslandi í rúm­lega 60 við­skipt­um, en í Sví­þjóð var veltan tæp­lega 3 millj­arðar króna.

Skrán­ing Arion banka er næst­stærsta skrán­ing í sögu Kaup­hall­ar­innar hér á landi og jafn­framt fyrsta sam­hliða tví­skrán­ingin á mörk­uðum Nas­daq á Norð­ur­lönd­unum í yfir ára­tug.

Kaup­þing og vog­un­ar­sjóð­ur­inn Attestor Capi­tal seldu tæp­lega 29 pró­senta hlut í útboð­inu, sé tekið mið af útistand­andi hlutafé bank­ans, en mikil umfram­eft­ir­spurn var eftir bréfum í bank­an­um. Voru bréfin seld til almennra fjár­festa á Íslandi og í Sví­þjóð sem og til fag­fjár­festa frá Íslandi, Banda­ríkj­unum og Evr­ópu.

Íslenska ríkið seldi 13 pró­sent hlut sinn í bank­anum fyrir um 23,4 millj­arða króna, í aðdrag­anda skrán­inga bank­ans á mark­að.