Banda­ríska stór­fyr­ir­tækið Google til­kynnti nýverið að smá­forritið Mussila, sem fram­leitt er af íslenska fyr­ir­tæk­inu Rosam­osa, hafi verið valið til þess að vera kynnt í sér­stöku fjöl­skyldu­rými sem Google var að opna.

Frá þessu er greint í Morg­un­blað­inu í morg­un. 

Fjöl­skyldu­rým­ið, sem á ensku kallast Fa­mily link, er öruggt svæði fyrir börn til þess að vafra á net­inu. For­eldrar geta fylgst með vefnotkun barna sinna á svæð­inu og sér­stök áhersla er lögð á að efnið sem er í boði innan rým­is­ins sé bæði fjöl­skyldu­vænt og fræð­andi.

Í frétt­inni segir að Mussila-­leik­ur­inn, sem kennir börnum grunn­at­riði í tón­list í gegnum skap­andi leik og áskor­an­ir, verði efstur á síðu Goog­le-­fjöl­skyldu­rým­is­ins og mæli Google sér­stak­lega með leiknum fyrir for­eldra til að kynna börnum sín­um. Fjöl­skyldu­rýmið sé komið til 33 landa en Ísland sé ekki enn þar á með­al.

Mar­grét Sig­urð­ar­dótt­ir, fram­kvæmda­stjóri og annar stofn­enda Mussila, segir í sam­tali við Morg­un­blaðið að ein­ungis hafi verið valin inn smá­forrit sem ætluð eru ákveðnum ald­urs­hópi. „Google Play-­store“ sé til­tölu­lega órit­skoð­aður vett­vang­ur, en núna sé komið svæði þar sem for­eldrar geta opnað reikn­ing fyrir börnin sín og vitað að þau geta treyst þeim for­ritum sem er þarna að finna. 

Hún segir jafn­framt að aukin mark­aðs­setn­ing sé á næsta leiti. „Google er að fara að mark­aðs­setja rýmið meira, þeir hafa ekki haft mjög hátt um þetta á meðan þeir eru að fín­pússa og láta þetta virka full­kom­lega. Núna ætla þeir að fara að leggja meiri áherslu á þetta rými og ætla að taka nokkur vel valin öpp og aug­lýsa þau sér­stak­lega. Við erum eitt af þeim öpp­um.“

Mussila-smá­forritið verður haldið fram­ar­lega innan fjöl­skyldu­rým­is­ins í nokkrar vikur í röð og svo með reglu­legum hætti eftir það, segir Mar­grét. Í við­tal­inu kemur fram að þau séu búin að fara í gegnum nokkrar síur, fyrst þar sem leit­ar­vél þeirra finnur for­ritið vegna góðrar ein­kunnar sem það er með í versl­un­inni. Svo sé Google með sitt kenn­arateymi sem valdi úr þeim smá­forritum sem komust í gegnum fyrstu síuna.

„Þetta er mjög góð aug­lýs­ing fyrir okkur en við eigum eftir að sjá hvað þetta skilar miklu. Fjöl­skyldu­rýmið er ekki orðið mjög stórt enn­þá, en við sjáum til hvað verð­ur. Ég hef mikla trú á því að þetta eigi eftir að vaxa mik­ið. Þetta er fyrst og fremst við­ur­kenn­ing, að vera valin þarna inn. Þetta er ótrú­lega stórt,“ segir Mar­grét við Morg­un­blað­ið.