Í þremur af sex fasta­ráðum Reykja­vík­ur­borgar sitja fimm konur og tveir karl­ar. Frá þessu er greint í Frétta­blað­inu í dag. Lög um jafna stöðu kvenna og karla kveða á um að hlut­fall í ráðum og nefndum á vegum sveit­ar­fé­laga eigi að vera sem jafn­ast. Odd­viti Vinstri grænna í borg­inni telur mik­il­vægt að allir flokkar í borg­ar­stjórn legg­ist yfir málið að loknu sum­ar­fríi.

Ráðin sem um ræð­ir, þar sem skil­yrði jafn­rétt­islaga eru ekki upp­fyllt, eru mann­rétt­inda- og lýð­ræð­is­ráð, umhverf­is- og heil­brigð­is­ráð og vel­ferð­ar­ráð. Jafn­ari skipt­ing er í íþrótta- og tóm­stunda­ráði, skipu­lags- og sam­göngu­ráði og skóla- og frí­stunda­ráði.

Í lögum um jafna stöðu karla og kvenna segir að við skipun í nefnd­ir, ráð og stjórnir á vegum ríkis og sveit­ar­fé­laga skuli þess gætt að hlut­fall kynj­anna sé sem jafn­ast og ekki minna en 40 pró­sent þegar um fleiri en þrjá full­trúa er að ræða. Jafn­rétt­is­stofa ann­ast eft­ir­lit með að lögum þessum sé fram­fylgt.

Í sam­tali við Frétta­blaðið segir Líf Magneu­dóttir odd­viti Vinstri grænna að konur séu í meiri­hluta í borg­ar­stjórn. Staðan sé flókin í ljósi fjölg­unar borg­ar­full­trúa og breytts vinnu­fyr­ir­komu­lags en borg­ar­stjórn þurfi að skoða málið í heild þegar hún kemur úr sum­ar­fríi. „Það er á ábyrgð allra flokka að upp­fylla jafn­stöðu­lögin svo fremi því verði við kom­ið.“