Átta bóka­út­gef­endur gagn­rýna fyr­ir­hugað sam­starf Alþingis við Hið íslenska bók­mennta­fé­lag um útgáfu tveggja rit­verka í til­efni ald­ar­af­mælis full­veldis Íslands. Útgef­end­urnir segja geð­þótta ráða för þings­ins og vinnu­brögðin eiga að heyra for­tíð­inni til í sam­eig­in­legri grein í Morg­un­blað­inu í morg­un.

Sam­starfið var kynnt með þings­á­lykt­un­ar­til­lögu sem lögð var fram síð­asta föstu­dag, en kosið verður um hana á Þing­völlum á morg­un. Í til­lög­unni, sem leidd er af Stein­grími J. Sig­fús­syni, ályktar Alþingi að ganga til sam­starfs við Hið íslenska bók­mennta­fé­lag um útgáfu tveggja rit­verka, ann­ars vegar verks um Þing­velli í íslenskri mynd­list og hins vegar nýs yfir­lits­verks um sögu íslenskra bók­mennta frá land­námi til 21. ald­ar. 

Áætlað er að kostn­aður Alþingis við sam­starfið muni nema sam­tals um 25-30 millj­ónir króna, sem yrði deild niður í tíu millj­óna króna útgjöld á hvert ár í þrjú ár. Í rök­stuðn­ingi fyrir sam­starf­inu segir í þings­á­lykt­un­ar­til­lögu það vera  „mjög vel við hæfi“ vegna 100 ára full­veld­is­af­mælis á Íslandi í ár. 

„Óljós teng­ing“ við full­veld­is­af­mæli

Í grein bóka­út­gef­enda í Morg­un­blað­inu í dag voru vinnu­brögð Alþingis harð­lega gagn­rýnd, en höf­und­arnir telja að styrkirnir hefðu átt að fara í gegnum Mið­stöð íslenskra bók­mennta, sem ann­ast opin­berar styrk­veit­ingar til bóka­út­gáfu. Sam­kvæmt þeim er 30 millj­óna króna styrk­veit­ing jafnhá upp­hæð og Mið­stöðin fékk á síð­asta ári, en þar dreifð­ist hún yfir á sjötta tug verka.

Bóka­út­gef­end­urnir segja enn fremur teng­ing­una við full­veld­is­af­mælið óljósa og styrk­veit­ing­una minna á Alþingi fyrri tíma þar sem styrkir til bóka­út­gáfu voru að stórum hluta háðir geð­þótta þing­manna og ráð­herra. „Vinnu­brögðin við þessa styrk­veit­ingu eiga hins vegar að heyra for­tíð­inni tryggi­lega til og okkur finnst með ólík­indum að þing­heimur skuli hafa sam­þykkt þetta með einum rómi, enda eigi menn á þeim bæ að vita bet­ur,“ segir í grein­inni.