Nær 40% allra Spán­verja myndu kjósa ólýð­ræð­is­legt stjórn­ar­fyr­ir­komu­lag með sterkum leið­toga fram yfir lýð­ræði. Hlut­fallið er það mesta sem mælt er á Vest­ur­lönd­um, en skoð­anir Banda­ríkja­manna eru ekki ósvip­aðar þeim að miklu leyti. Þetta kemur fram í nýrri frétt El Nacional.

Í frétt­inni er fjallað um nið­ur­stöður könn­un­ar­inn­ar World Valu­es S­ur­vey, en nýjasta útgáfa hennar tók saman við­horf í 60 löndum á tíma­bil­inu 2010 til 2014. Í könn­un­inni voru við­mæl­endur meðal ann­ars spurðir hvert við­horf þeirra væri til stjórn­ar­fyr­ir­komu­lags sem hefði sterkan leið­toga og þyrfti ekki að lúta vilja þings eða kosn­inga. Svar­mögu­leik­arnir voru fjór­ir: Mjög hlynnt­ur, frekar hlynnt­ur, frekar and­vígur og mjög and­víg­ur.

Alls voru 7,6% Spán­verja mjög hlynntir slíku stjórn­ar­fyr­ir­komu­lagi og 31,9% þeirra frekar hlynnt­ir. Sam­tals svör­uðu því 39,5% spurn­ing­unni á jákvæðan hátt, en það hlut­fall er það mesta sem mælt var á Vest­ur­löndum og litlu minna en í Pakistan (42%) og Nígeríu (48%).

Hlut­fallið hefur hækkað

Hlut­fall þeirra sem vilja and­lýð­ræð­is­legt stjórn­ar­fyr­ir­komu­lag á spáni hefur stór­auk­ist síðan á tíunda ára­tugn­um, en þá svör­uðu ein­ungis um 25% lands­manna spurn­ing­unni á jákvæðan hátt. Heilt yfir könn­un­ina fór meira fyrir and­lýð­ræð­is­legum skoð­unum á árunum 2010-2014 heldur en 1995-1997, en umrætt hlut­fall hækk­aði hjá 23 af 30 löndum sem spurð vor­u þess­ar­ar ­spurn­ing­ar.

Í öðru sæti meðal Vest­ur­landa eru Banda­rík­in, en þar vilja um 30% lands­manna and­lýð­ræð­is­leg­t ­stjórn­ar­fyr­ir­komu­lag ­sam­kvæmt könn­un­inni. Þar hefur hlut­fallið hækkað úr 20% frá tíma­bil­inu 1995-1997.