Heild­ar­virði skráðra félaga fór yfir þús­und millj­arða króna með skrán­ingu Arion banka, og ætti skrán­ingin að vera lyfti­stöng fyrir íslenskan fjár­magns­mark­að. 

Margt bendir þó til þess að sænski mark­að­ur­inn verði aðal­vett­vangur fyrir við­skipti með hluta­bréf í bank­an­um. 

Þetta er meðal þess sem fram kemur í ítar­legri grein í Vís­bend­ingu sem kemur til áskrif­enda á föstu­dag­inn, sem Egg­ert Þór Aðal­steins­son, sér­fræð­ingur í eigna­stýr­ingu hjá Kviku banka, skrif­ar. 

Í grein­inni er einnig fjallað um stöðu mála á hluta­bréfa­mark­aði, en hann hefur ein­kennst af miklum lækk­unum og minnk­andi veltu að und­an­förnu.

„Um langt skeið hefur legið fyrir að of mikið eigið fé er bundið í íslensku við­skipta­bönk­un­um. Jákvæðir ein­skipt­isliðir hafa að miklu leyti litað upp­gjör bank­anna á síð­ustu árum en nú þegar slíkir þættir heyra brátt sög­unni til verður æ erf­ið­ara fyrir bank­ana að skila við­un­andi arð­semi. Arð­semi eigin fjár Arion Banka nam 6,6% á síð­asta ári en aðeins 3,6% á fyrsta árs­fjórð­ungi 2018. Á næstu árum er stefnt að því að ná 10% arð­semi eigin fjár og lækka kostn­að­ar­hlut­fall niður í u.þ.b. 50%. Það eru býsna metn­að­ar­full áform.

Eitt helsta verk­efni sem stjórn­endur Arion standa frammi fyrir er að lækka eig­in­fjár­þátt A úr núver­andi 23,6% hlut­falli niður í 17%, m.a. með útgáfu víkj­andi skulda­bréfa og breyt­an­legra skulda­bréfa. Umfram eigið fé bank­ans, sem mætti útdeila til hlut­hafa með því að lækka eig­in­fjár­hlut­fallið á næstu miss­erum, gæti hlaupið á 50 millj­örðum króna eða um þriðj­ungi af núver­andi mark­aðs­verð­mæti bank­ans. Margir fjár­festar velta að auki fyrir sér hvað verður um eign­ar­hlut bank­ans í greiðslu­miðl­un­ar­fyr­ir­tæk­inu Valitor, hlutur sem met­inn er á 16 millj­arða króna í bókum bank­ans. Mikil áhersla hefur verið lögð á tekju­vöxt Valitor en sá vöxtur kostar sitt og hefur litað upp­gjör móð­ur­fé­lags­ins með nei­kvæðum hætti. Erlendis ganga fyr­ir­tæki í þessum geira kaupum og sölum á háum verð­miðum og þar er oft veltu­vöxtur mæli­kvarði á verð fyr­ir­tækja,“ segir meðal ann­ars í grein Egg­erts Þórs.

Hægt er að ger­ast áskrif­andi að Vís­bend­ingu hér.