Mark­aðsvirði Icelandair hefur fallið um 150 millj­arða króna frá því það fór hæst í apríl 2016, en það var þá 187 millj­arðar króna. Núna er það hins vegar 37 millj­arð­ar.

Á innan við mán­uði hefur það lækkað um 38 pró­sent. Við opnun markað í dag lækk­aði það um 1,24 pró­sent, eftir rúm­lega 10 pró­sent tap í gær og hrun í verði dag­ana þar á und­an, eftir að afkomu­spá félags­ins var upp­færð til hins verra. 

Félagið hefur tapað 6,3 millj­örðum króna á fyrri helm­ingi árs­ins. Tapið skýrist aðal­lega af hækkun olíu­verðs og sveiflum á gengi krón­unn­ar, en for­stjóri félags­ins, Björgólfur Jóhanns­son, segir að fleiri þættir komi til sem félagið geti haft áhrif á. Félagið hefur að und­an­förnu breytt skipu­lagi sínu og mun ganga lengra í þeim efn­um, sam­kvæmt Björgólfi.

Nið­ur­staða ann­ars árs­fjórð­ungs er tap upp á 25,7 millj­ónir Banda­ríkja­dala, jafn­virði 2,7 millj­arða króna. 

Flug­fé­lög hafa mörg hver gengið í gegnum erf­iða tíma að und­an­förnu vegna hækk­andi verðs á olíu, og harðrar sam­keppni. Helsti sam­keppn­is­að­ili Icelandair í flugi til Íslands, WOW Air, hefur ekki birt árs­reikn­ing fyrir árið 2017 eða upp­lýs­ingar um rekstur félags­ins á þessu ári. 

Tölu­verðs titr­ings hefur gætt á mörk­uðum vegna stöðu flug­fé­lag­ana, enda er flug­rekstur hluti af burð­ar­stólpa í íslensku atvinnu­lífi sem ferða­þjón­ustan í heild er orð­in. Vöxtur hennar hefur verið hrað­ur. Í fyrra komu um 2,7 millj­ónir ferða­manna til lands­ins, en til sam­an­burðar voru þeir innan við 500 þús­und árið 2010.