Neyt­enda­stofa hefur sent inn umsögn við drög að lögum um pen­inga­þvætti og fjár­mögnun hryðju­verka en stofn­unin vill að lögin taki líka til kaup­enda gulls og ann­arra eðal­málma, ekki ein­ungis selj­anda. Þetta kemur fram í frétt RÚV í dag.

Sam­kvæmt núver­andi drögum að lög­unum verða ein­ungis selj­endur eðal­steina og -málma skrán­ing­ar­skyld­ir. Neyt­enda­stofa, eini umsagn­ar­að­ili frum­varps­ins, leggur til að kaup­endur sem hafa milli­göngu um verslun með slíkan varn­ing verði einnig skrán­ing­ar­skyld­ir. Neyt­enda­stofa telur þar af leið­andi að ákvæðið eigi ekki aðeins að ná til aðila sem „selja“ eðal­málma- og steina heldur einnig aðila sem „kaupa“ slíkar vör­ur.

Fram kemur í umsögn Neyt­enda­stofu að við­skipti með eðal­málma með milli­göngu þriðja aðila hafi farið vax­andi á und­an­förnum árum. „Til að mynda hafa komið hingað til lands erlendir aðilar í inn­kaupa­ferðir gagn­gert til að kaupa eðal­málma eða eðal­steina af íslenskum neyt­endum og aug­lýst í fjöl­miðlum komu sína og tíma­bil heim­sókn­ar­inn­ar. Vand­séð er að ákvæðið nái til slíkrar starf­sem­i“, segir umsögn­inni.

Í drög­unum að frum­varp­inu kemur fram að frum­varpið sé samið af starfs­hópi sem dóms­mála­ráð­herra skip­aði til inn­leið­ingar á fjórðu pen­inga­þvætt­is­til­skipun Evr­ópu­sam­bands­ins og valin ákvæði úr fimmtu pen­inga-þvætt­is­til­skipun Evr­ópu­sam­bands­ins. Fjórða pen­inga­þvætt­is­til­skip­unin tók gildi í Evr­ópu­sam­band­inu 27. júlí 2017 og verður tekin upp í EES-­samn­ing­inn í októ­ber 2018.

„Þrátt fyrir að um heild­ar­skoðun lag­anna sé að ræða byggja þau á grunni eldri laga. Meg­in­efni lag­anna snýr að skyldu til­kynn­ing­ar­skyldra aðila til að fram­kvæma áreið­an­leika­könn­un, haga innra skipu­lagi með þeim hætti að þeim sé kleift að greina grun­sam­legar færslur og til­kynna til skrif­stofu fjár­mála­grein­ingu lög­reglu allar grun­sam­legar færslur eða við­skipti.

Til að tryggja að ein­stök ákvæði frum­varps­ins séu ekki of íþyngj­andi fyrir litla til­kynn­ing­ar­skylda aðila sem stunda eins­leita starf­semi er gert ráð fyrir því að tekið sé til­lit til til stærð­ar, eðlis og umfangs til­kynn­ing­ar­skyldra aðila og marg­breyti­leika starf­sem­inn­ar,“ segir í drög­un­um.

Frestur til að skila inn umsögnum við frum­varpið rennur út á morg­un.