Mik­ill sam­dráttur hefur orðið í bók­sölu hér á landi síð­ustu ár. Sam­kvæmt Morg­un­blað­inu varð 5 pró­sent sam­dráttur á síð­asta ári, 11 pró­sent árið þar á undan og alls ríf­lega 31 pró­sent frá árinu 2008 til 2016. ­Sam­tals nemur sam­drátt­ur­inn á þessum tíu árum um 36 pró­sentu­stig­um.

Egill Örn Jóhanns­son, fram­kvæmda­stjóri For­lags­ins og fyrrum for­maður Félags íslenskra bóka­út­gef­anda, segir í sam­tali við Morg­un­blaðið þessa nei­kvæðu þróun vera dap­ur­lega. „­Fyrir ári síðan sagði ég íslensku bóka­út­gáf­una komna að þol­mörkum og það er auð­vitað aug­ljóst að sú staða hefur í engu skán­að,“ segir hann.

Salan fyrstu fjóra mán­uði árs­ins gefur ekki góð fyr­ir­heit, segir í Morg­un­blað­inu, en sam­kvæmt tölum sem ­Fé­lag íslenskra bóka­út­gef­enda hefur unnið upp úr gögnum Hag­stof­unnar nem­ur ­sam­dráttur á þessu ári 5 pró­sent frá fyrra ári.

Egill seg­ist vona að af­nám virð­is­auka­skatts af bók­um hjálpi til við að snúa þess­ari þró­un. „Von­ar­glætan er kannski ekki síst sú að stjórn­völd hafa lofað afnámi virð­is­auka­skatts af bókum um næst­kom­andi ára­mót. Ég er þeirrar skoð­unar að það geti orðið sú við­spyrna sem greinin þarf á að halda. Auð­vitað leysir afnám virð­is­auka­skatts eitt og sér ekki vand­ann en það gæti orðið eitt stærsta skrefið í þá átt. Ég tel hins vegar að fleiri skref muni þurfa að stíga til þess að snúa þess­ari vondu þróun við.“

Hann segir við Morg­un­blaðið að hann bindi þó vonir við að bjart­ari tímar renni upp, ekki síst með nýjum kyn­slóð­um. „Það er þó ákaf­lega jákvætt fyrir okkur sem störfum að íslenskri bóka­út­gáfu að sjá að barna- og ung­linga­bækur hafa átt góðu gengi að fagna á und­an­förnum miss­er­um. Í því felst stærsta og mesta sókn­ar­færi bóka­út­gáf­unn­ar, að fylgja því eft­ir. Þannig sjáum við suma barna- og ung­linga­bóka­höf­unda selja bækur sínar í bíl­förmum á ári hverju. Maður er óneit­an­lega bjart­sýnni á fram­haldið þegar unga kyn­slóðin virð­ist vera, ef eitt­hvað er, að taka vel við sér í lestri. Það lofar góð­u.“