Vegna frétta und­an­farið um notkun ung­menna á ávana­bind­andi lyfjum hefur Emb­ætti land­læknis tekið saman upp­lýs­ingar um alvar­leg áhrif og afleið­ingar mis­notk­un­ar. Þetta kemur fram í frétt vel­ferð­ar­ráðu­neyt­is­ins.

Á vef­síðu Emb­ættis land­læknis er greint frá því að ef of stór skammtur ávana­bind­andi lyfja er tek­inn geta afleið­ing­arnar verið bæði bráðar og óaft­ur­kræfar fyrir ein­stak­ling­inn.

Þá segir að bráð hætta stafi af ávana­bind­andi lyfj­u­m. Þegar sterk verkja­lyf eru notuð getur orðið blóð­þrýst­ings­fall, svefn­höfgi og hætta á dái eða dauða vegna önd­un­ar­bæl­ing­ar. Dæmi um lyf eru Contalg­in, Oxycont­in, Fent­anyl, Búp­renor­fín og Trama­dól. Þetta eru hættu­leg­ustu lyf­in, sam­kvæmt Emb­ætt­inu.

Slævandi eða róandi lyf eins og til að mynda benzó­díazepín geta verið lífs­hættu­leg séu þau tekin með áfengi og öðrum lyfjum sem hafa bælandi áhrif á mið­tauga­kerf­ið. Dæmi um róandi lyf eru Alprazolam, Sobril, Stesolid, Imovane, Stil­noct og Díazepam.

Bráð ofskömmtun af örvandi lyfjum getur meðal ann­ars leitt til krampa, sem geta endað í dái, ofskynj­ana, óráðs, ofur­hita, hrað­takts og háþrýst­ings. Dæmi um örvandi lyf eru amfetamín, Ritalin Uno og Concerta.

Sam­kvæmt Emb­ætt­inu eykur notkun margra efna sam­tím­is, til að mynda lyfja, áfengis og ólög­legra efna, mjög hættu vegna sam­verk­un­ar. Ein­stak­lingum sem sjaldan eða aldrei áður hafa notað við­kom­andi lyf er mun hætt­ara við alvar­legum auka­verk­un­um.

Lyf sem eru flutt inn af ein­stak­lingum eða búin til á ólög­legan hátt eru mun hættu­legri þar sem þau geta inni­haldið ýmiss auka­efni. Dæmi um slíkt lyf er Xanax sem ekki er á mark­aði hér á landi. Xanax inni­heldur alprazolam og iðu­lega önnur efni sem bætt hefur verið við.