Árið 2017 voru heild­ar­tekjur ein­stak­linga að með­al­tali 6,4 millj­ónir króna á ári og mán­að­ar­tekjur að jafn­aði 534 þús­und krónur sem er um 6,7 pró­sent hærra en árið áður sé miðað við verð­lag árs­ins 2017. Þetta kemur fram í frétt Hag­stof­unn­ar.

Af tíu fjöl­menn­ustu sveit­ar­fé­lög­unum var með­al­tal heild­ar­tekna hæst í Garðabæ eins og síð­ustu ár eða 8,2 millj­ónir króna. Þar á eftir kemur Kópa­vogur með með­al­tekjur upp á 6,9 millj­ónir króna. Hækkun milli ára er svipuð hjá þessum stærstu sveit­ar­fé­lög­um. Hafa ber í huga að öfga­gildi geta haft tölu­verð áhrif á með­al­tekjur og þá sér­stak­lega í smærri sveit­ar­fé­lög­um.

Þá var mið­gildi heild­ar­tekna 5,0 millj­ónir króna eða 416 þús­und krónur á mán­uði sem þýðir að annar hver ein­stak­lingur hafði mán­að­ar­tekjur undir þess­ari upp­hæð. Mið­gildi heild­ar­tekna hækk­aði um 7,1 pró­sent miðað við verð­lag árs­ins 2017.

Frá árinu 2000 jókst mið­gildi heild­ar­tekna jafnt og þétt til árs­ins 2007. Næstu þrjú árin þar á eftir lækk­uðu heild­ar­tekjur alls um rúm­lega 20 pró­sent. Síðan þá hafa með­al­tekjur verið á upp­leið og eru nú nálægt því sem þær voru árið 2007 á verð­lagi árs­ins 2017. Sam­setn­ing tekna hefur þó breyst þannig að hlut­deild fjár­magnstekna í heild­ar­tekjum er að með­al­tali minni nú en var í kringum árið 2007. Í frétt Hag­stof­unnar segir að hafa beri í huga að þessi með­al­töl byggja á ein­stak­lingum 16 ára og eldri.