Brynjar Níels­son þing­maður Sjálf­stæð­is­flokks­ins segir í stöðu­upp­færslu á Face­book­síðu sinni í dag að nú þyki ekk­ert til­töku­mál að koma fram opin­ber­lega og saka mann og annan um hvers kyns brot eða óvið­eig­andi hegð­un, sem áttu að vera framin fyrir árum eða ára­tugum síðan og með því tvístra fjöl­skyldum og eyði­leggja líf manna. 

Hann segir enn fremur að fjöl­miðl­ar, sem trúi að þeir séu á vegum almenn­ings og sér­stakir vernd­arar lýð­ræðis og rétt­ar­rík­is­ins, stígi ekki niður fæti, heldur þvert á móti og leggi rauðan dregil fyrir þá sem koma fram með ásak­anir af þessu tagi.

Gagn­rýni Brynjars kemur sama dag og við­tal DV við frú Agn­esi Sig­urð­ar­dóttur biskup Íslands birt­ist og umfjöllun um mál fyrr­ver­andi dóm­kirkju­prests; hvernig kirkjan tók á hans máli eftir að hann við­ur­kenndi kyn­ferð­is­brot gegn barni um miðja síð­ustu öld.

Brynjar segir að kærur til lög­reglu með til­heyr­andi rann­sókn þar sem sak­born­ingr geta varið sig og hugs­an­lega sannað sak­leysi sitt, sé alger óþarfi. „Dóm­stóll göt­unnar lætur reglur rétt­ar­rík­is­ins ekki trufla sig og sak­fellir umsvifa­laust og jafn­vel þá sem hafa verið sýkn­aðir fyrir dómi.“

Hann segir jafn­framt að fjöl­miðla­menn séu eins og hverjar aðrar klapp­stýrur í þessu ofstæki. Stjórn­mála­mennn þegi þunnu hljóði, að minnsta kosti þeir sem sé umhugað um end­ur­kjör. „Lítið heyr­ist í lög­manna­stétt­inni, sem í sögu­legu ljósi hafa verið helstu tals­menn rétt­ar­rík­is­ins. Og ekki heyr­ist boffs í þess­ari háskóla­aka­dem­íu, sem virð­ist vera á svip­uðu róli og fjöl­miðl­ar.“

Í lok færsl­unnar ráð­leggur Brynjar þeim sem vilja halda starfi sínu og jafn­vel huga að starfs­frama að læka ekki þessa færslu.