Fjár­­­mála­eft­ir­litið hef­ur tekið fyrsta fyr­ir­tækið sem sér­­hæf­ir sig í þjón­­ustu um raf­­­mynta­við­skipti til skrán­ing­­ar. Frá þessu er greint í Morg­un­blað­inu í dag.

Fyr­ir­tækj­um af þessu tagi var gert skylt að skrá starf­­semi sína hjá stofn­un­inni í kjöl­far ný­­settr­ar lög­­gjaf­ar sem sporna á við pen­inga­þvætti og hryðju­verk­a­­starf­­semi, að því er segir í Morg­un­blað­inu.

Raf­myntir hafa notið vax­andi vin­sælda á alþjóða­mörk­uðum á und­an­förnum árum en miklar sveiflur hafa þó ein­kennt verð­mið­ann á þeim flest­um. Virði eins Bitcoin er nú um 7.300 Banda­ríkja­dal­ir, eða sem nemur um 770 þúsu­und krón­um, en hæst fór verðið upp undir 20 þús­und Banda­ríkja­dali í fyrra. 

Fyr­ir­tækið sem hlotið hef­ur skrán­ingu sem þjón­ust­u­veit­andi við­skipta með það sem skil­­greint er sem sýnd­­ar­fé og raf­­eyr­ir, nefn­ist Skipt­i­­mynt ehf. Fram­­kvæmda­­stjóri þess er Hlyn­ur Þór Björns­­son. Það held­ur úti raf­­­mynta­­mark­aði á net­inu og þar er hægt að kaupa og selja bitco­in og aur­ora coin í skipt­um fyr­ir ís­­lensk­ar krón­­ur, að því er segir í Morg­un­blað­inu.