„Hlutur kynj­anna er sér­lega ójafn í þeim atvinnu­greinum sem vaxa nú hvað hraðast, til að mynda ­tölvu­greinum og upp­lýs­inga­tækni. Eft­ir­spurn eftir þekk­ingu og færni í þessum greinum er í gríð­ar­legum vexti og hér eru konur því miður enn í miklum minni­hluta. Hið jákvæða er að kon­um ­sem ljúka námi í slíkum greinum hefur farið fjölg­and­i.“

Þetta er meðal þess sem segir í umfjöllun Lilju Daggar Jóns­dótt­ur, hag­fræð­ings og MBA, í umfjöllun í Vís­bend­ingu sem kemur til áskrif­enda á morg­un. Þar er fjallað um hvaða áhrif aukin gervi­greind­ar­væð­ing í atvinnu­lífi mun hafa á konur í atvinnu­líf­inu.

Meðal ann­ars er fjallað um alþjóð­legar rann­sóknir um áhrifin af auk­inni tækni­væð­ingu á vinnu­mark­að­inn. „Við­skipta­ráð banda­rískra yfir­valda (e. United States Depart­ment of Commerce) hefur bent á að konur með háskóla­gráður í tækni­greinum séu ólík­legri en karl­ar ­með sam­bæri­legar gráður til að vinna í þeim geira. Í Banda­ríkj­unum eru um 47% kvenna­starf­andi en aðeins 24% í tækni­grein­um. Þær eru þó 30% útskrif­aðra í tækni­grein­um. ­Sam­bæri­leg töl­fræði er ekki auð­fundin um konur í tækni­greinum á Íslandi en Skýrslu­tækni­fé­lag Ís­lands hefur áætlað að konur gegni um 10-20% starfa í þessum geira. Þetta er tölu­verður vandi og það kannski einna helst vegna þess hve mik­il­vægar þess­ar at­vinnu­greinar eru. Þær móta nú allt umhverfi okkar til fram­tíð­ar, bæði í sam­fé­lag­inu almennt (til að mynda í gegnum sam­fé­lags­miðla) og ekki síður í atvinnu­líf­inu (í gegnum hug­bún­að, miðla og ­þjón­ust­u). Þetta er sú tækni sem breyt­ingar morg­un­dags­ins koma til með að byggja á, og eins og málin standa núna, þá er hún búin til af afar eins­leitum hópi karla,“ segir meðal ann­ars í grein­inni.

Hægt er að ger­ast áskrif­andi að Vís­bend­ingu hér.