Gengi krón­unnar hefur styrkst nokkuð gagn­vart alþjóð­legum myntum í dag, en í vik­unni hefur það sveifl­ast tölu­vert og má gera ráð fyrir að stærsta und­ir­liggj­andi ástæðan fyrir því sé gang­ur­inn í fjár­mögn­un­ar­til­raunum WOW Air flug­fé­lags­ins. Gengið hefur styrkst gagn­vart evru og Banda­ríkja­dal, um tæp­lega 2 pró­sent í dag.

Sé mið tekið af því hvernig þró­unin hefur verið í dag, þá virð­ist sem fjár­festar geri frekar ráð fyrir því að WOW Air tak­ist að ná lág­marks­stærð skulda­bréfa­út­boðs­ins, en í Frétta­blað­inu í dag kemur fram að fjár­festar séu nú þegar búnir að skrá sig fyrir 45 millj­ónum evra og unnið sé að því að loka gat­inu sem mið­ast við 50 millj­ónir evra að lág­marki. 



Þá er einnig gert ráð fyrir því að tugir millj­ónir evra komi inn í félagið sem nýtt hluta­fé, að því er segir í Frétta­blað­inu.

Á þriðju­dag­inn veikt­ist krónan gagn­vart helstu alþjóð­legu mynt­um, og ákvað Seðla­bank­inn þá að hafa inn­grip í mark­að­inn og stöðva veik­ing­una. Seðla­bank­inn seldi gjald­eyri fyrir 1,2 millj­arða í þessum við­skipt­um.

Mark­aðsvirði Icelandair hefur einnig fallið í dag, eða um 3,75 pró­sent það sem af er deg­i.