Vísitala íbúðaverðs lækkaði um 0,1 prósent í ágúst samkvæmt nýbirtum tölum Þjóðskrár Íslands og hefur nú hækkað um 4,1 prósent undanfarið ár, að því er fram kemur í samantekt Íbúðalánasjóðs.

Hægt hefur verulega á verðhækkunum á fasteignum.
Verð á nýjum íbúðum á fasteignamarkaði er allt að 20 prósent dýrara en á eldri íbúðum, sé miðað við fermetraverð, og því má segja að innkoma nýrra íbúða á markað haldi lífi í hækkunartölum á fasteignamarkaði.
Auglýsing
Verð fjölbýlis var óbreytt milli mánaða í ágúst en sérbýli lækkaði í verði um 0,3 prósent. Fjölbýli hefur hækkað um 3,2 prósent í verði á undanförnu ári en sérbýli um 6,0 prósent.