Nokkrir þing­menn Sjálf­stæð­is­flokks­ins segj­ast hafa áhyggjur af þeirri veg­ferð sem Svan­dís Svav­ars­dóttir heil­brigð­is­ráð­herra sé í varð­andi rekstur í heil­brigð­is­kerf­inu. Þrír þeirra skrif­uðu grein í Morg­un­blaðið um liðna helgi þar sem þeir lýstu þeir áhyggj­um. Á meðal þeirra var Áslaug Arna Sig­ur­björns­dótt­ir, rit­ari Sjálf­stæð­is­flokks­ins. Það sem fer helst fyrir brjóstið á þing­mönn­unum er sú stefna Svan­dísar að auka starf­semi opin­berrar heil­brigð­is­þjón­ustu en á sama tíma að draga úr fram­lagi sjálf­stætt starf­andi sér­fræð­inga og heil­brigð­is­stofn­ana sem reknar eru í einka­rekstri og með hagn­að­ar­sjón­ar­miði. „Það er að okkar mati röng stefna og nauð­syn­legt er, áður en stór skef verða stig­in, að fyrir liggi lang­tíma­á­ætlun í heil­brigð­is­málum okk­ar.[...]­Mark­miðið á að vera að leita allra leiða til að bæta þjón­ustu við fólk og nýt­ingu fjár­muna, í stað þess að leggja stein í götu einka­rekst­urs í heil­brigð­is­kerf­inu, sem sann­ar­lega mun leiða til bættrar þjón­ustu, betri nýt­ingar fjár­muna og stytt­ingar biðlista – öllum til hags­bóta.“ Auk Áslaugar eru höf­undar grein­ar­innar Jón Gunn­ars­son og Brynjar Níels­son.

Fjallað er um málið í Frétta­blað­inu í dag. Þar er haft eftir Brynj­ari að það sé mik­il­vægt fyrir flokk­inn að árétta stefnu sína gagn­vart kjós­endum sín­um. „Okkar kjós­endur mega ekki halda að af því við þegjum þá séum við sam­mála ráð­herr­an­um. Við verðum að láta vita að við erum ekki sam­mála hon­um.“

Þing­menn Vinstri grænna hafa boðað fram­lagn­ingu frum­varps sem hefur það mark­mið að tryggja að ráð­herra semji ekki við fyr­ir­tæki í heil­brigð­is­þjón­ustu sem eru rekin í hagn­að­ar­skyni. Í fréttum Stöðvar 2 á sunnu­dag sagði Ólafur Þór Gunn­ars­son, sem er á meðal þing­manna sem leggja fram frum­varp­ið, að það sé lagt fram vegna þess að það sé „ákveðið ákall í sam­fé­lag­inu um það að heil­brigð­is­þjón­usta verði ekki hagn­að­ar­drifin og að það eigi ekki að nota pen­inga sam­fé­lags­ins til að greiða út arð í fyr­ir­tækja í heil­brigð­is­þjón­ust­u.“

Rósa Björk Brynj­ólfs­dótt­ir, þing­maður Vinstri grænna, tjáði sig einnig um málið á Face­book-­síðu sinni á sunnu­dag. Þar sagði hún að þegar hún og Andrés Ingi Jóns­son, þing­maður Vinstri grænna, hafi greitt atkvæði með van­trausti á Sig­ríði Á. And­er­sen dóms­mála­ráð­herra á sínum tíma hafi Sjálf­stæð­is­menn látið þau finna fyrir því í þing­störfum og sent frá sér yfir­lýs­ingar um að þing­mönnum stjórn­ar­flokk­anna hefði fækkað um tvo. Það hafi meðal ann­ars Þór­dís Kol­brún Reyk­fjörð Gylfa­dótt­ir, vara­for­maður Sjálf­stæð­is­flokks­ins, gert. „Hvað má þá kalla þing­menn­ina þrjá sem skrif­uðu Mogga­grein í gær gegn heil­brigð­is­ráð­herra VG og leyfa sér að hjóla í ráð­herra sam­starfs­flokks með tudda­legu orða­lagi ? Þessir þrír þing­menn - og fjórði þing­mað­ur­inn úr Sjálf­stæð­is­flokki, Óli Björn Kára­son, sem hefur gagn­rýnt stefnu heil­brigð­is­ráð­herra VG með reglu­bundnum hætti í Morg­un­blaðið að und­anförnu - sam­þykktu þetta stjórn­ar­sam­starf við VG án nokk­urra athuga­semda...en vega nú að heil­brigð­is­ráð­herra VG með opin­berum hætt­i,“ segir Rósa í stöðu­upp­færslu sinni.

Þar segir hún enn fremur að ákall sé um það meðal þjóð­ar­innar að reisa við íslenska heil­brigð­is­kerfi. „Nú, þegar rík­is­sjóður hefur aldrei verið gild­ari, hlýtur betri, opin­ber grunn-heil­brigð­is­þjón­usta fyrir alla; óháð efna­hag, stétt eða stöðu að vera í algjörum for­gangi. Síðan getum við rætt hvers konar fyr­ir­komu­lag við höfum þegar varðar einka­rekna sér­lækna­þjón­ustu í heil­brigð­is­þjón­ustu. En ekki fyrr en hitt er tryggt. Ef þing­menn­irnir þrír skilja það ekki, hefðu þeir betur átt að neita að sam­þykkja rík­is­stjórn­ar­sam­starf við VG - það hefði verið heið­ar­legra.“