Óskað er eftir athuga­semdum við drög að frum­varpi til laga­breyt­inga sem heim­ilar hjúkr­un­ar­fræð­ingum og ljós­mæðrum að ávísa horm­óna­tengdum getn­að­ar­vörn­um. Þetta kemur fram í frétt vel­ferð­ar­ráðu­neyt­is­ins. 

Mark­miðið er að bæta aðgengi kvenna að kyn­heil­brigð­is­þjón­ustu, efla og styrkja þjón­ust­una og að nýta betur fag­þekk­ingu hjúkr­un­ar­fræð­inga og ljós­mæðra innan heil­brigð­is­þjón­ust­unnar á þessu sviði, sam­kvæmt frétt­inn­i. 

Frum­varpið hefur verið birt í sam­ráðs­gátt stjórn­valda og er umsagn­ar­frestur til 24. sept­em­ber næst­kom­andi.

Í frum­varp­inu er gert ráð fyrir að heim­ild hjúkr­un­ar­fræð­inga og ljós­mæðra til að ávísa horm­óna­tengdum getn­að­ar­vörnum verði bundin því skil­yrði að við­kom­andi starfi á heil­brigð­is­stofnun þar sem heilsu­gæsla, kven­lækn­inga- eða fæð­ing­ar­þjón­usta er veitt. 

Land­læknir mun veita hjúkr­un­ar­fræð­ingum og ljós­mæðrum leyfi til lyfja­á­vís­unar að upp­fylltum nánar til­greindum skil­yrðum sem fram koma í reglu­gerð sem ráð­herra set­ur. Meðal þess­ara skil­yrða verður að við­kom­andi leyf­is­um­sækj­andi hafi sótt og stað­ist fræði­legt og klínískt nám­skeið um lyfja­á­vís­an­ir. 

Ákvörðun um áhersl­ur, inni­hald, fyr­ir­komu­lag og fram­kvæmd nám­skeiðs­ins verður hjá Emb­ætti land­lækn­is. Emb­ætti land­læknis mun síðan hafa eft­ir­lit með lyfja­á­vís­unum hjúkr­un­ar­fræð­inga og ljós­mæðra sem heim­ild hafa fengið til að ávísa horm­óna­tengdum getn­að­ar­vörn­um, sams konar eft­ir­lit og emb­ættið hefur með lyfja­á­vís­unum lækna og tann­lækna í sam­ræmi við ákvæði laga um land­lækni og lýð­heilsu.