Í maí og júní 2108 voru 5.455 fólks­bílum nýskráðar á Íslandi. Það eru 1.522 færri en í sömu mán­uðum árið áður, eða 22 pró­sent sam­drátt­ur. Mest munar um nýskráða bíla­leigu­bíla, en þeir voru 3.630 í umræddum tveimur mán­uðum á þessu ári. Það eru 1.893 færri en á sama tíma­bili í fyrra og því fækk­aði nýskráðum bíla­leigu­bílum í maí og júní um 34 pró­sent. Þetta kemur fram í nýjum tölum frá Hag­stofu Íslands.

Vert er að hafa í huga að fjöldi nýskráðra bíla hefur auk­ist gríð­ar­lega hratt á und­an­förnum árum og árið 2017 var algjört met ár. Ástæðan er auð­vitað fyrst og síð­ast aukin fjöldi ferða­manna, enda eru lang­flestar nýskrán­ingar á bílum til­komnar vegna bíla­leigu­bíla sem leigðir eru út til þeirra.

Það ár var heild­ar­fjöldi nýskráðra fólks­bíla á land­inu 21.346 sem var 16 pró­sent aukn­ing frá fyrr ári. Bíla­leigu­bílar voru tæpur helm­ingur allra nýskráðra bíla á því ári, eða 10.362 tals­ins. Þeim fjölg­aði um nálægt þús­und milli ára.

Í lok síð­asta árs var heild­ar­fjöldi skráðra öku­tækja af öllum stærðum og gerðum hér­lendis 366.888. Þar af voru 294.482 öku­tæki í umferð. Að með­al­tali voru því fleiri en eitt öku­tæki skrá á hvern Íslend­ing í lok árs 2017, en Íslend­ingar voru þá 348.450 tals­ins.