Nýjar íbúðir á Hafn­ar­torgi í miðbæ Reykja­víkur kosta að með­al­tali 110 millj­ónir og er fer­metra­verðið um 900 þús­und. Algengt fer­metra­verð á höf­uð­borg­ar­svæð­inu er á milli 400 ot 500 þús­und. 

Þegar hafa sex íbúðir sel­st, og það á skemmri tíma en ÞG verk, sem byggir á Hafn­ar­torgi, bjóst við. 

Frá þessu er greint í Morg­un­blað­inu í dag, en íbúðir á Hafn­ar­torgi eru meðal dýr­ustu fjöl­býl­is­í­búðum á Íslandi.

Dýrasta íbúðin er þak­íbúð á 6. hæð sem kostar 256,8 millj­ón­ir. Hægt er að sam­eina hana ann­arri ­þak­íbúð sem kostar um 200 millj­ón­r. ­Saman kosta þær 456 millj­ón­ir. 

Þor­valdur Giss­ur­ar­son, for­stjóri ÞG verks, segir í við­tali við Morg­un­blaðið um 20 hópa hafa ­sýnt áhuga á íbúðum á Hafn­ar­torg­i. Hann segir margt skýra verð­lagn­ing­u á íbúð­un­um. Meðal ann­ars sé ­bygg­ing­ar­lóðin dýr og meira lagt í hönnun og tæki og inn­rétt­ingar en vana­legt er. 

Veru­lega hefur hægt á verð­hækk­unum á hús­næði að und­an­förnu en á und­an­förnu ári hefur verðið hækkað um 4,1 pró­sent, en í ágúst lækk­aði verðið um 0,1 pró­sent miðað við sama mánuð í fyrra.