WOW air greiðir hærri vexti en önnur flugfélög

Bloomberg segir að vextirnir sem WOW air borgar vegna skuldabréfaútgáfu sinnar séu hærri en vextir í útboðum annarra evrópskra flugfélaga sem farið hafa fram á síðustu árum.

wow air
Auglýsing

Vext­irnir sem WOW air greiðir af skulda­bréfum sem fyr­ir­tækið ætlar að gefa út eru þeir hæstu sem nokk­urt flug­fé­lag í Evr­ópu greið­ir, sam­kvæmt frétt Bloomberg.

Þar kemur fram að vaxta­kjörin í nýaf­stöðu skulda­bréfa­út­boði WOW air, sem eru níu pró­sent ofan á þriggja mán­aða Euri­bor vexti, séu hærri en vextir voru í útboðum hjá Air Berl­in, Finna­ir,, Norweg­ian Air, Air France, Brit­ish Airways og Luft­hansa sem ráð­ist hefur verið í á tíma­bil­inu 2013 til 2018.

Áður voru hæstu vextir sem evr­ópskt flug­fé­lag hafði sam­þykkt að greiða 8,5 pró­sent í útboði sem Air Berlin fór í árið 2017 þegar fyr­ir­tækið sótti 125 milljón evra með víkj­andi skulda­bréfa­út­gáfu. Air Berlin fór í greiðslu­stöðvun í ágúst í fyrra og hætti starf­semi 27. októ­ber 2017. Önnur flug­fé­lög sem gáfu út skulda­bréf á tíma­bil­inu greiða, sam­kvæmt frétt Bloomberg, 5,1 til 7,9 pró­sent vexti.

Auglýsing

Greint var frá því á þriðju­dag að skulda­bréfa­út­boði WOW air væri lok­ið. Bók þess hafði þá verið opin frá því í lok ágúst. Í til­­kynn­ingu kom fram að stærð skulda­bréfa­­flokks­ins nemi 60 millj­­ónum evra, þar af 50 millj­­ónir evra sem þegar hafa verið seldar og 10 millj­­ónir evra sem verða seldar fjár­­­festum í fram­haldi af útboð­inu.

Skulda­bréfa­­flokk­­ur­inn er til þriggja ára og vextir eru, líkt og áður sagði, níu pró­­sent ofan á þriggja mána Euri­bor vexti, en þó aldrei lægri en níu pró­­sent skyldu þeir vextir verða nei­­kvæð­­ir. Auk þess voru lagðar fram ábyrgðir sem eru ekki til­­­greindar sér­­stak­­lega.

Greint var frá því að þátt­tak­endur væru bæði inn­lendir og erlendir fjár­festar en ekki hefur verið greint frá því hverjir þeir eru.

WOW air hefur ráðið Arion banka og Arct­ica Fin­ance til að hefja und­ir­­bún­­ing að skrán­ingu hluta­bréfa félags­­ins innan 12-18 mán­aða, bæði hér­­­lendis og erlend­­is. Arion banki er einnig á meðal kröf­u­hafa WOW air. Bank­inn vill ekki upp­lýsa um hvort að hann sjálf­ur, eða sjóð­stýr­ing­ar­fyr­ir­tækið Stefn­ir, hafi tekið þátt í skulda­bréfa­út­boð­inu hjá WOW air.

Í við­tali við Fin­ancial Times sem birt­ist síð­ast­lið­inn mánu­dag sagði Skúli Mog­en­sen að WOW air ætl­­að­i að safna um 200 til 300 millj­­­ónum doll­­­ara, eða 22 til 33 millj­­­örðum íslenskra króna, í nýtt hlutafé í hluta­fjár­­­út­­­­­boði sem fyr­ir­tækið ætlar að ráð­­­ast í á næstu tveimur árum.

Seðlabankafólk ræddi um Facebook gjaldmiðilinn
Seðlabankastjóri Bandaríkjanna, Jerome Powell, segir að rafmyntin sem Facebook ætlar að setja í loftið á næsta ári hafi komið til umræðu innan Seðlabanka Bandaríkjanna.
Kjarninn 19. júní 2019
Raunhækkun fasteigna lítil sem engin þessi misserin
Vorið 2017 mældist fasteignaverðshækkun 23,5 prósent.
Kjarninn 19. júní 2019
Þórhildur Sunna Ævarsdóttir, þingflokksformaður Pírata.
Heildarendurskoðun lögræðislaga samþykkt
Þingsályktunartilllaga þar sem mælst er til að heild­ar­end­ur­skoðun lög­ræð­islaga fari fram og að kosin verði til þess sér­nefnd þing­manna hefur verið samþykkt á Alþingi. Þingflokksformaður Pírata getur ekki beðið eftir því að hefjast handa.
Kjarninn 19. júní 2019
Höfuðstöðvar Lífeyrissjóðs verzlunarmanna eru í Húsi verslunarinnar.
Stjórn Lífeyrissjóðs verzlunarmanna segir vexti hafa verið orðna „óeðlilega“ lága
Stjórn Lífeyrissjóðs verzlunarmanna segist það ekki samræmast skyldu sinni að taka hagsmuni 3.700 lántaka með breytileg verðtryggð lán fram yfir hagsmuni allra sjóðsfélaga. Hún segir yfirlýsingar um einvörðungu hækkun vaxta byggja á veikum grunni.
Kjarninn 19. júní 2019
FME minnir á kröfur sem gerðar eru til lífeyrissjóða
VR hyggst gera breytingar á skipan stjórnar Lífeyrissjóðs verslunarmanna.
Kjarninn 19. júní 2019
Jafnréttisnefnd KÍ mótmælir málflutningi kennara
Jafnréttisnefnd Kennarasambands Íslands hefur sent frá sér ályktun þar sem málflutningi grunnskólakennara um falskar ásakanir nemenda um meint ofbeldi kennara er mótmælt.
Kjarninn 19. júní 2019
Sigurður Ingi Jóhannsson
Að breyta samfélagi
Kjarninn 19. júní 2019
Sarkozy ákærður fyrir spillingu og mútuþægni
Fyrrum forseti Frakklands er ákærður fyrir að hafa þegið fjármagn frá Gaddafi, fyrrum forseta Líbíu.
Kjarninn 19. júní 2019
Meira úr sama flokkiInnlent