Helmingur landsmanna sækir fréttir af vefsíðum fréttamiðla

Samkvæmt nýrri könnun MMR sækja einungis 4 prósent Íslendinga helst fréttir í dagblöð en 9 prósent af samfélagsmiðlum.

Kommentakerfi
Auglýsing

Helm­ingur lands­manna seg­ist helst sækja fréttir af vef­síðum frétta­miðla. Þetta kemur fram í könnun MMR sem fram­kvæmd var dag­ana 3. til 10. ágúst síð­ast­liðna og var heild­ar­fjöldi svar­enda 957 ein­stak­ling­ar, 18 ára og eldri.

Þá kváð­ust 18 pró­sent helst sækja fréttir í sjón­varp og 9 pró­sent í útvarp. Athygli vekur að ein­ungis 4 pró­sent kváð­ust helst sækja fréttir í dag­blöð en 9 pró­sent sækja helst fréttir af sam­fé­lags­miðl­um.

Konur reynd­ust lík­legri en karlar til að sækja helst fréttir af sam­fé­lags­miðlum en hærra hlut­fall karla en kvenna kvaðst helst sækja fréttir sínar af vef­síð­um, þ.e. frétta­miðlum eða öðr­um.

Auglýsing

Kyn­slóða­munur var á svörum eftir aldri, sam­kvæmt MMR. Af ungu fólki á aldr­inum 18 til 29 ára kváð­ust 62 pró­sent helst sækja fréttir sínar af vef­síðum frétta­miðla. Hlut­falli þeirra sem sækja helst fréttir á vef­síður frétta­miðla fór lækk­andi í takt við hækk­andi aldur en ein­ungis 15 pró­sent þeirra 68 ára og eldri kváð­ust helst sækja fréttir af vef­síðum frétta­miðla. 

Sjón­varps­miðl­ar, útvarp og dag­blöð eiga á bratt­ann að sækja

Svar­endur elsta ald­urs­hóps­ins kváð­ust aftur á móti helst sækja sér fréttir í sjón­varp (43 pró­sent), útvarp (26 pró­sent) eða dag­blöð (12 pró­sent). Fram kemur í könn­un­inni að ljóst sé að sjón­varps­miðl­ar, útvarp og dag­blöð eigi á bratt­ann að sækja hjá ungu fólki en ein­ungis 2 pró­sent þeirra á aldr­inum 18 til 29 ára kváð­ust helst sækja sér fréttir í sjón­varp, 1 pró­sent í útvarp og 1 pró­sent í dag­blöð en 6 pró­sent kváð­ust ekki fylgj­ast með frétt­u­m. 

Unga fólkið reynd­ist aftur á móti lík­legra en aðrir ald­urs­hópar til að sækja sér fréttir af sam­fé­lags­miðlum en 17 pró­sent þeirra 18 til 29 ára kváð­ust helst sækja sér fréttir í gegnum sam­fé­lags­miðla og 8 pró­sent þeirra 30 til­ 49 ára.

Háskóla­mennt­aðir sækja helst fréttir af vef­síðum

Af þeim sem lokið höfðu háskóla­menntun kváð­ust 60 pró­sent helst sækja sér fréttir af vef­síðum frétta­miðla, sam­an­borið við 46 pró­sent þeirra sem höfðu hæst lokið fram­halds­skóla og 44 pró­sent þeirra með grunn­skóla­mennt­un. Þá kváð­ust 12 pró­sent sem lokið höfðu grunn­skóla­menntun sækja helst fréttir af sam­fé­lags­miðl­um, sam­an­borið við 8 pró­sent þeirra með fram­halds­skóla- eða háskóla­mennt­un.

Þegar litið var til stjórn­mála­skoð­ana mátti sjá að 66 pró­sent stuðn­ings­fólk Pírata og 59 pró­sent stuðn­ings­fólks Við­reisnar sögð­ust helst sækja fréttir af vef­síðum frétta­miðla. Aðeins 35 pró­sent af stuðn­ings­fólki Flokks fólks­ins kvaðst helst sækja sér fréttir af vef­síðum frétta­miðla en 20 pró­sent þeirra kváð­ust hins vegar helst sækja fréttir í útvarp og 11 pró­sent í dag­blöð. 

Af stuðn­ings­fólki Vinstri grænna kváð­ust 28 pró­sent helst sækja fréttir í sjón­varp, sam­an­borið við aðeins 9 pró­sent stuðn­ings­fólks Pírata. Þá var stuðn­ings­fólk Sjálf­stæð­is­flokks­ins lík­leg­ast til að sækja helst fréttir á sam­fé­lags­miðla en stuðn­ings­fólk Pírata og Sam­fylk­ing­ar­innar var lík­leg­ast til að segj­ast ekki fylgj­ast með frétt­um.

Guðjón Sigurðsson
Alþjóðlegi MND dagurinn 21. júní 2019
Kjarninn 20. júní 2019
Guðlaugur Þór Þórðarson, utanríkisráðherra
Íslensk stjórnvöld hafa ekki mótað afstöðu til Beltis og brautar
Kínverski sendiherrann á Íslandi segir íslensk stjórnvöld vera opin fyrir þátttöku í Belti og braut. Íslensk stjórnvöld hafa þó ekki mótað sér afstöðu til verkefnisins.
Kjarninn 20. júní 2019
Már Guðmundsson er seðlabankastjóri. Hann mun láta af því starfi í ágúst og nýr taka við.
Seðlabankinn og Fjármálaeftirlitið sameinast um næstu áramót
Breytingarnar lúta að sameiningu verkefna hjá einni stofnun. Sextán þingmenn greiddu ekki atkvæði eða voru fjarverandi við atkvæðagreiðsluna.
Kjarninn 20. júní 2019
Mótmæli
Aðför að grundvallarréttindum launafólks ógnar friði og stöðugleika
Í 72 prósent landa heims hefur verkafólk engan eða takmarkaðan aðgang að réttarkerfinu sé á því brotið.
Kjarninn 20. júní 2019
Spá því að stýrivextir lækki um eitt prósentustig í viðbót
Ef stýrivextir Seðlabanka Íslands verða lækkaðir í næstu viku munu þeir fara undir fjögur prósent í fyrsta sinn frá árinu 2011. Á sama tíma hafa vextir sem standa almenningi til boða, til dæmis vegna húsnæðiskaupa, sögulega lágir.
Kjarninn 20. júní 2019
Munu ákveða hvað flokkist til auðlinda hér á landi
Þingsályktunartillaga hefur verið samþykkt þar sem umhverfis- og auðlindaráðherra er falið að fá sérfræðinga á sviði auðlindaréttar, umhverfisfræða og umhverfisréttar til að semja frumvarp til laga sem skilgreini hvað flokkist til auðlinda hér á landi.
Kjarninn 20. júní 2019
Innlend netverslun blómstrar - Maí veltuhæsti mánuðurinn frá upphafi
Á netinu jókst velta raf- og heimilistækja um 156,8 prósent á milli ára á meðan veltan í búðum dróst saman um 14,2 prósent.
Kjarninn 20. júní 2019
Segir lagafrumvarp um makrílveiðar vera óttalega hrákasmíð
Jón Bjarnason, fyrrverandi sjávarútvegsráðherra, segir frumvarp Kristjáns Þórs Júlíussonar um makrílveiðar sem samþykkt var á Alþingi í gær ekki verja meginhagmuni þjóðarinnar hvað varðar stjórn­un, ráð­stöfun og nýt­ingu auð­lind­ar­inn­ar.
Kjarninn 20. júní 2019
Meira úr sama flokkiInnlent