Sam­kvæmt nýfram­lögðu frum­varpi til laga um breyt­ingar á veiði­gjöldum í sjáv­ar­út­vegi er lagt upp með að afkomu­teng­ingin í gjald­heimt­unni verði færð nær í tíma heldur en nú er. 

Þannig verða rekstr­ar­gögnin sem liggja til grund­vallar gjald­heimt­unni eins árs gömul í stað tveggja ára eins og verið hefur und­an­farin ár. 

Með þessu er stefnt að því að gjald­heimtan verði skyn­sam­legri bæði fyrir atvinnu­veg­inn sem heild, sem og stjórn­völd og almenn­ing. Með fyrr­nefndum breyt­ingum verður gjald­heimtan tengd­ari því sveiflu­kennda umhverfi sem oft ein­kennir íslenskt efna­hags­líf.

Þetta er meðal þess sem fram kemur í frum­varpi sem Krist­ján Þór Júl­í­us­son, sjáv­ar­út­vegs- og land­bún­að­ar­ráð­herra, hefur lagt fram á þingi, og nú er verið að kynna á blaða­manna­fund­i. 

Ein breyt­ingin sem gerð verður felst í því að afleggja veiði­gjalda­nefnd og færa gjald­heimt­una til Rík­is­skatt­stjóra, sem mun sjá um útreikn­ing á veiði­gjöld­un­um. Sú breyt­ing á að skila sér í sterk­ari stjórn­sýslu í kringum inn­heimt­una og áreið­an­legri gögnum en gögn frá Hag­stofu Íslands, aftur í tím­ann, hafa veitt sem grunn að útreikn­ing veiði­gjalda.