Leiguverð hæst í Reykjavík borið saman við hin Norðurlöndin

Hvergi á Norðurlöndunum er að finna jafn hátt leiguverð í höfuðborginni og hér á landi.

7DM_3272_raw_170626.jpg húsnæði fólk hús fasteign hús reykjavík
Auglýsing

Mið­svæðis í Reykja­vík leig­ist tveggja her­bergja íbúð á um 190.000 kr. á mán­uði að með­al­tali. Hvergi á Norð­ur­lönd­unum er að finna jafn hátt leigu­verð í höf­uð­borg­inni og hér á land­i. Þetta kemur fram í nýrri skýrslu frá Leigu­mark­aðs­deild Íbúða­lána­sjóðs um íbúð­ar- og leigu­verð í höf­uð­borgum Norð­ur­land­anna.

­Sam­kvæmt skýrslu­höf­undum er leigu­mark­að­ur­inn á Íslandi að mörgu leyti ólíkur því sem þekk­ist í nágranna­lönd­un­um. 

„Þótt leigu­mark­að­ur­inn hér á landi hafi stækkað að und­an­förnu er hann ennþá hlut­falls­lega lít­ill í alþjóð­legu sam­hengi og að mörgu leyti óþrosk­að­ur.

Reglu­verk hans og umgjörð er til að mynda önnur hér en á hinum Norð­ur­lönd­un­um. Aðilum sem eiga í leigu­sam­bandi hér á landi er frjálst að semja um lengd samn­ings og eins hver leigu­fjár­hæðin skuli vera og hvort og með hvaða hætti hún skuli taka breyt­ingum á leigu­tíma,“ segir í skýrsl­unn­i. 

Auglýsing

Leigu­verð hæst bæði í mið­borg og utan hennar

Í skýrsl­unni kemur fram að leigu­verðið er hæst í Reykja­vík, bæði í mið­borg og utan mið­borg­ar­inn­ar, hvort sem horft er til tveggja eða fjög­urra her­bergja íbúða.

Leiga á mánuði Mynd: ÍbúðalánasjóðurMið­svæðis í Reykja­vík er leiga fyrir tveggja her­bergja íbúð um 188.000 krónur á mán­uði. Á eftir Reykja­vík er leigu­verð tveggja her­bergja íbúðar mið­svæðis hæst í Kaup­manna­höfn eða um 164.000 íslenskar krónur á mán­uði að með­al­tali. Lægst er leiga slíkrar íbúðar í Þórs­höfn á um 110.000 krónur á mán­uði.

Það sama á við um tveggja her­bergja íbúðir utan mið­borg­ar. Þar er leigu­verðið hæst í Reykja­vík, eða rúm­lega 150.000 krón­ur, en á eftir Reykja­vík er hæsta leigu­verð slíkrar íbúðar í Osló þar sem það er um 122.000 krón­ur.

Fjög­urra her­bergja íbúðir eru einnig dýrastar í Reykja­vík, hvort sem horft er til með­al­í­búðar í mið­borg­inni eða utan mið­borg­ar. Í mið­borg­inni leig­ist slík íbúð á tæp­lega 300.000 krónur á mán­uði. Á eftir Reykja­vík er leigu­verð fjög­urra her­bergja íbúðar hæst í mið­borg Kaup­manna­hafnar eða á tæp­lega 290.000 krón­ur.

„Hátt leigu­verð en hlut­falls­lega lágt hús­næð­is­verð kann að vera skýr­ingin á háu hlut­falli ungs fólks í for­eldra­hús­um, en hvergi á Norð­ur­lönd­unum er hlut­fallið jafn hátt og hér á land­i,“ segir í skýrsl­unni. Um 14 pró­sent fólks á aldr­inum 25 til 34 ára hér á landi býr í for­eldra­húsum á meðan hlut­fallið er innan við 6 pró­sent víð­ast hvar ann­ars staðar á Norð­ur­lönd­un­um.

Hátt leigu­verð gerir leigj­endum erfitt fyrir að safna

Í skýrsl­unni kemur jafn­framt fram að íbúða­verð í Reykja­vík sé lágt í hlut­falli við tekjur miðað við höf­uð­borgir ann­arra landa. Hlut­falls­lega lágt hús­næð­is­verð á móti háu leigu­verði geri það að verkum að hag­stæð­ara er fyrir fólk að kaupa. Á móti þessu kemur að hátt leigu­verð geri leigj­endum erf­ið­ara fyrir að safna sér upp í þá útborgun sem þarf fyrir íbúð.

Sé íbúða­verð í Reykja­vík borið saman við íbúða­verð í höf­uð­borgum nágranna­land­anna sést að það sker sig úr en aðeins í Þórs­höfn er íbúða­verð lægra en í Reykja­vík, sam­kvæmt skýrsl­unn­i. 

Hæst er kaup­verð íbúða í mið­borg Stokk­hólms en þar selst fer­metr­inn á yfir 1,1 milljón íslenskra króna. Fer­metra­verð utan mið­borgar Stokk­hólms er lægra eða um 663.000 krón­ur. Á eftir Stokk­hólmi mælist verðið hæst í Osló en þar er verð á hvern fer­metra í mið­borg­inni örlítið lægra en í mið­borg Stokk­hólms eða um 960.000 krón­ur.

Lægsta fer­metra­verðið er að finna í Þórs­höfn en þar selj­ast íbúðir mið­svæðis á tæp­lega 359.000 krónur á hvern fer­metra en 263.000 krónur utan þess. 

Isavia mátti kyrrsetja vél ALC úr flota WOW air
Landsréttur staðfesti þá niðurstöðu úr héraði, að Isavia hafi verið í fullum rétti að kyrrsetja vél úr flota WOW air.
Kjarninn 24. maí 2019
Magnús Halldórsson
Aðkallandi að hagræða í bankakerfinu
Kjarninn 24. maí 2019
Helga Dögg Sverrisdóttir
Nemendur hafa áskað grunnskólakennara með slæmum afleiðingum
Kjarninn 24. maí 2019
Skýrsla um neyðarlánið kemur á mánudag klukkan 16
Skýrsla um afdrif neyðarláns Seðlabanka Íslands til Kaupþings, og hvernig unnið var úr veðinu sem tekið var vegna lánsins, verður birt á mánudaginn klukkan 16.
Kjarninn 24. maí 2019
Bann við notkun svartolíu innan íslenskrar landhelgi
Umhverfis- og auðlindaráðuneytið óskar eftir umsögnum um drög að reglugerðarbreytingu sem bannar notkun svartolíu innan íslenskrar landhelgi.
Kjarninn 24. maí 2019
Pottersen
Pottersen
Pottersen 16. þáttur: Harry fer í bað
Kjarninn 24. maí 2019
Skattakóngar eða -drottningar verða ekki opinberaðar af skattinum
Ríkisskattstjóri mun ekki senda út upplýsingar til fjölmiðla um þá 40 einstaklinga sem greiða hæstu skattana, líkt og hann hefur gert árum saman. Ástæðan er ákvörðun Persónuverndar í máli gegn Tekjur.is.
Kjarninn 24. maí 2019
Tæknivarpið
Tæknivarpið
Tæknivarpið – Huawei missir Android og ARM leyfi, nýjar Macbook Pro tölvur komnar á markað og Game of Thrones Galaxy Fold á leiðinni
Kjarninn 24. maí 2019
Meira úr sama flokkiInnlent