Eft­ir­lits­stofnun EFTA (ESA) hef­ur lokið rann­sókn á rík­is­á­byrgðum á afleiðu­samn­ingum Lands­virkj­unar en stofn­unin telur að samn­ing­arnir hafi ekki falið í sér rík­is­að­stoð. Þetta kemur fram í til­kynn­ingu frá ESA. 

„Lands­virkjun er stærsti raf­orku­fram­leið­andi á Íslandi og einn stærsti fram­leið­andi end­ur­nýj­an­legrar raf­orku í Evr­ópu. Í samn­ingum um stór­iðju er fyr­ir­tækið í sam­keppni við aðra fram­leið­endur í Evr­ópu. Til að verj­ast geng­is- og vaxta­á­hættu í skulda­safni sínu gerði Lands­virkjun ýmiss konar afleiðu­samn­inga sem íslenska ríkið gekk í ábyrgð fyr­ir,“ segir í til­kynn­ing­unn­i. 

ESA hóf rann­sókn á rík­is­á­byrgð­unum í maí árið 2017 með það að mark­miði að kanna hvort þær væru í sam­ræmi við EES-­reglur um rík­is­styrki. Könnun ESA laut að því hvort Lands­virkjun nyti efna­hags­legs ávinn­ings af rík­is­á­byrgð­inni eða hvort end­ur­gjaldið fyrir hana væri á mark­aðs­kjör­um.

Rann­sóknin hefur nú leitt í ljós að ábyrgð­irnar á afleiðu­samn­ingum Lands­virkj­unar leiddu ekki til efna­hags­legs ávinn­ings fyrir fyr­ir­tækið og er mál­inu því lokið að hálfu ESA, segir í til­kynn­ing­unn­i.