Greiðslur úr sjúkra­sjóðum tveggja stærstu stétt­ar­fé­laga lands­ins, VR og efl­ingu hafa auk­ist til muna á þessu ári. Á fyrstu sjö mán­uðum árs­ins hækk­uðu sjúkra- og dag­pen­inga greiðslur um 43 pró­sent hjá VR frá því á sama tíma og í fyrra. Hjá Efl­ingu hækk­uðu greiðsl­urnar um 39 pró­sent á milli ára. Hækk­unin skýrist af hluta til af því að laun hafa hækkað og félags­mönnum hefur fjölg­að. Sig­ríður Ólafs­dótt­ir, sviðs­stjóri sjúkra­sjóðs Efl­ingar segir engu að síður að: „Þó er ljóst að veik­um hef­ur fjölg­að, þeir voru leng­ur veik­ir og fengu hærri upp­­hæð­ir,“ Morg­un­blaðið greinir frá þessu í morg­un.

Haft er eftir Ragn­ari Þór Ing­ólfs­syni, for­manni VR, í blað­inu að iðgjöld í sjúkra­sjóð félags­ins hafi numið 1,8 millj­örðum í fyrra og verði um tveir millj­arðar í ár. Ragnar segir félagið komið yfir 80 pró­sent útgreiðslu­hlut­falls en VR er með einn öfl­ug­asta sjúkra­sjóð lands­ins og því stendur félagið enn sem komið er undir greiðsl­un­um. „Ef þessi þróun heldur áfram þá endar þetta bara á einn veg, með skerð­ing­um. Þetta getur ekki haldið áfram enda­laust.”

Ragnar segir brýnt að kom­ast að rót vand­ans en ann­ars sé við­búið að afleið­ing­arnar legg­ist af þunga á almanna­trygg­inga­kerf­ið. „Við vilj­um vita af hverju fólkið okk­ar er að gef­­ast upp. Hvað er það í okk­ar sam­­fé­lagi sem veld­ur því að við erum að missa fólk í þetta mikl­um mæli í veik­indi, í streit­u­tengda sjúk­­dóma, og út af vinn­u­­mark­að­i?“

Í umfjöllun Morg­un­blaðs­ins kemur fram að greiðslur byrj­uðu að aukast frá árinu 2013, meðal ann­ars vega aukn­ingar á kvíða- og þung­lyndistengdum kvillum og ein­kennum um kulnun í starfi. Ragnar telur að lík­legir orsaka­valdar gætu verið fyr­ir­tækja­menn­ing hér að landi; of mikið álag á starfs­fólki, óör­yggi vegna stöðu á hús­næð­is­mark­aði og fram­færslu. Hann veltir einnig upp spurn­ing­unni hvort þetta gætu verið síð­búin áhrif hruns­ins að koma fram af meiri þunga en gert var ráð fyr­ir. Ragnar segir að nú sé starf­andi rann­sókn­ar­hópur á vegum VIRK með aðkomu stjórn­valda, verka­lýðs­fé­laga og fleiri. Á hans vegum er komin af stað vinna við að reyna að greina þetta ástand.