For­seti Alþjóða­lög­regl­unnar Inter­pol, Kín­verj­inn Meng Hongwei, er horf­inn. Frá þessu er greint á vef breska rík­is­út­varps­ins BBC, en síð­ast er vitað um ferðir hans þegar hann var að leggja í hann til Kína frá Lyon í Frakk­landi, 25. sept­em­ber.

Jurgen Stock, næst­ráð­andi Inter­pol, hefur tekið við stjórn­ar­taumunum í fjar­veru Hongwei, af því er segir í til­kynn­ingu frá Inter­pol.

Heim­ild­ar­menn sem AFP vitnar til, segja að hann sé ekki tal­inn vera í Frakk­landi, og því lík­leg­ast að hann hafi horfið í Kína. Hins vegar hafa frönsk yfir­völd ákveðið að hefja rann­sókn á mál­inu. Í til­kynn­ingu Inter­pol segir að kín­versk stjórn­völd séu einnig að rann­saka mál­ið.

Í umfjöllun BBC kemur fram að fjöl­skyldu­með­limir Hongwei hafi leitað til franskra yfir­valda vegna máls­ins, en hvarf Hongwei þykir falla vel í mynstur svip­aðra mála und­an­far­inna ára, þar sem hátt­sett fólk í kín­verska Komm­ún­ista­flokknum hefur bein­línis horfið af sviði stjórn­mála eða stofn­ana.

Hongwei tók við sem for­seti Inter­pol í nóv­em­ber 2016 og nær ráðn­ing­ar­tíma­bil hans fram á árið 2020. Hann hefur yfir 40 ára reynslu af lög­reglu­störf­um, og var um tíma aðstoð­ar­ráð­herra á sviði þjóðar­ör­ygg­is­mála í Kína. Hann er 65 ára gam­all.