Önnur kreppa, sam­bæri­leg við þá sem varð fyrir ára­tug á alþjóða­mörk­uð­um, er á leið­inni og það er aðeins spurn­ing um hvenær.

Frá þessu er greint í ítar­legri umfjöllun í The Economist sem kom til áskrif­enda í gær. 

Ástæðan er meðal ann­ars við­kvæmt skulda­staða þjóð­ríkja, fyr­ir­tækja og heim­ila víða um heim, eftir ára­tugs­tíma­bil örv­un­ar­að­gerða seðla­banka í heim­in­um. 

Er sér­stak­lega vikið að stöðu mála í Banda­ríkj­un­um, og tekið fram að margt bendi til þess að tími mik­illar upp­sveiflu sé nú að líða undir lok, en sam­kvæmt rann­sóknum á hag­þróun í Banda­ríkj­unum og end­ast upp­sveiflur þar yfir­leitt ekki mikið lengur en ára­tug. 

Um þessar mundir eru hag­tölur að mörgu leyti jákvæð­ar; atvinnu­leysi er um 4 pró­sent, hag­vöxtur er í við­var­andi og tölu­verður upp­gangur er víða. 

Það sem helst bendir til þess að nú sé að fara þrengja að, jafn­vel með dramat­ískum breyt­ing­um, er vax­andi verð­bólgu­þrýst­ingur víða og vaxta­hækk­an­ir. Mikil skuld­setn­ing sé hættu­leg við slíkar aðstæð­ur. Seðla­banki Banda­ríkj­anna er nú í vaxta­hækkana­ferli og sam­kvæmt spá bank­ans verða vext­irnir komnir í 3,5 pró­sent árið 2020, en þeir eru nú 2,25 pró­sent. Seðla­banki Evr­ópu er síðan að hætta örv­un­ar­að­gerðum sínum í des­em­ber, en hann hefur keypt skulda­bréf á mark­aði fyrir 60 millj­arða evra í hverjum mán­uði und­an­farin ár, til að örva hag­vöxt. 

Sam­kvæmt spá bank­ans má reikna með hækkun vaxta og auk­inni verð­bólga, á næsta ári. 

Í þess­ari stöðu er einnig nefnt, að breyt­ingar á við­skipta­samn­ingum - með tolla­stríð Banda­ríkj­anna og Kína í algleym­in­ingi - séu afar áhættu­sam­ar, og geti komið af stað alvar­legri efna­hags­þró­un. Þannig er Kína með mikla skuld­setn­ingu víða um land­ið, bæði hjá fyr­ir­tækjum og hinu opin­bera. Með auknum fjár­magns­kostn­aði þurfi ekki endi­lega mikið til þess, að skapa kjörað­stæður fyrir nýja kreppu.