Seðla­banki Íslands greip inn í gjald­eyr­is­mark­að­inn um þrjúleytið dag til þess að sporna gegn geng­is­veik­ingu krón­unn­ar, að því er fram kemur á vef Frétta­blaðs­ins.

Seðla­bank­inn var ekki til­bú­inn að stað­festa inn­gripið við Kjarn­ann, og vís­aði til þess í svari sínu að til­kynn­ing um við­skipti á gjald­eyr­is­mark­aði birt­ust nokkru síð­ar. En eftir lokun mark­aða, þá stað­festi Seðla­bank­inn inn­grip­ið, sam­an­ber upp­fært orða­lag frétt­ar­inn­ar, hér að neð­an.

Kaup bank­ans á krónum stöðv­uðu veik­ing­una og leiddu til þess að hún gekk að miklu leyti til baka, en eftir hádegið á mark­aðnum veikt­ist krónan skarpt, um tvö pró­sent gagn­vart evru og Banda­ríkja­dal. Var Banda­ríkja­dalur kom­inn yfir 120 krónur og evran yfir 137.

Seðla­bank­inn greip síð­ast inn í gjald­eyr­is­mark­að­inn 11. sept­em­ber síð­ast­lið­inn, og stöðv­aði þá skarpa veik­ingu krón­unnar innan dags, með 1,2 millj­arða inn­gripi. Seðla­bank­inn leit­ast við að draga úr sveiflum á gjald­eyr­is­mark­aði, og miðar inn­gripa­stefna hans að því.

Upp­fært: Seðla­bank­inn hefur stað­fest að inn­grip áttu sér stað. Sent 16:03 :„Seðla­bank­inn stað­festir að í dag áttu sér stað inn­grip á gjald­eyr­is­mark­aði. Tölur verða birtar sam­kvæmt gild­andi birt­ing­ar­á­ætl­un,“ segir í svari frá bank­anum til Kjarn­ans.