„Loftslagsáætlun ríkisstjórnarinnar mun ekki bjarga neinu“

Smári McCarthy segir loftslagsáætlun ríkisstjórnarinnar ekki hafa verið nægilega góða áður en ný skýrsla IPCC kom út en núna sé hún hlægileg.

Smári McCarthy
Smári McCarthy
Auglýsing

Smári McCart­hy, þing­maður Pírata, segir að þeg­ar ­nið­ur­stöð­ur­ nýrrar skýrslu Milli­ríkja­nefndar Sam­ein­uðu þjóð­anna um lofts­lags­breyt­ingar (IPCC) eru ­skoð­aðar í sam­hengi við lofts­lags­á­ætlun rík­is­stjórn­ar­innar komi glögg­lega í ljós að áætl­unin muni ekki bjarga neinu. Hún hafi ekki verið nógu góð áður en ný skýrsla IPCC kom út en núna sé hún hlægi­leg. 

Þetta kom fram í máli Smára á Alþingi í sér­stakri umræðu um skýrsl­una í morg­un. 

Hann segir skýrsl­una vera hryll­ings­lest­ur. „Stutta útgáfan er að eini mögu­leik­inn okkar til að tak­marka hnatt­ræna hlýnun við 1.5°C með­al­aukn­ingu á heims­vísu felst í því að hætta að nota jarð­efna­elds­neyti eins hratt og hægt er, og breyta íslenskum iðn­aði þannig að útblæstri koltví­sýr­ings verði hætt. ­Tölu­verð föngun kolefnis getur frestað þess­ari nið­ur­stöðu tíma­bund­ið, en ein­göngu stórar breyt­ingar á for­sendum sam­fé­lags­ins munu koma í veg fyrir ástand þar sem í besta falli millj­ónir deyja, þús­undir teg­unda þurkast út og líf­væn­leiki jarð­ar­innar verður veru­lega skadd­að­ur­. Við skulum láta versta til­fellið liggja milli hluta í bili, en vís­indin eru skýr á því að þetta er umræða upp á líf og dauða fyrir allt mann­kyn­ið. Í þeirri full­yrð­ingu er engin óþarfa drama, þetta er blá­kaldur veru­leik­inn,“ segir hann. 

Auglýsing

Smári telur að allir verði að skilja af hverju það stefni í að eftir örfáa ára­tugi verði jörðin ekki byggi­leg mann­fólki. Hann segir að í aðgerð­ar­á­ætl­un­inni séu engin skýr mark­mið um hversu mik­inn sam­drátt í CO2-losun eigi að fylgja hverri aðgerð. Flestar aðgerð­irnar snú­ist ein­ungis um ómark­vissa til­færslu pen­inga eða áætl­un­ar­gerð, eins og það eitt muni bjarga ein­hverju. 

„Losun Íslands eru 4,3 millj­ónir tonna koltví­sýr­ings árlega. Til að ná mark­miðum Par­ís­ar­samn­ings­ins fyrir 2030 þarf CO2 losun að vera komin í rétt um 3 millj­ónir tonna á ári,“ segir hann og bendir á að Íslend­ingar hafi 12 ár til að draga úr þess­ari los­un, eða línu­lega um 83 þús­und tonna árlegan sam­drátt í los­un. Hann segir það þó ekki nóg. „Til að vera innan 1.5°C markanna, sam­kvæmt skýrslu IPCC, þarf tölu­vert meiri sam­drátt. IPCC mælir með nettó núll losun fyrir árið 2055, til að hald­ast innan þol­marka,“ segir hann.  

Mark­miðið er að draga saman um 119 þús­und tonn

Smári segir jafn­framt að Íslend­ingar geti ekki eytt meira en þeir eiga. „Losun okkar þarf að verða réttum megin við núllið fyrir miðja öld, ann­ars horfum við fram á vist­fræði­legt gjald­þrot. Til að ná því þarf línu­legan sam­drátt um 119 þús­und tonn á ári. Hvert ár sem við bíðum með að hefj­ast handa eykur á vanda­mál­ið.

Mark­miðið er sumsé 119 þús­und tonna sam­dráttur á ári. En áætlun rík­is­stjórn­ar­innar er ekki með neinn tölu­settan sam­drátt. Það á að verja 1.5 millj­örðum króna í upp­bygg­ingu inn­viða fyrir raf­bíla, og gera á nýskrán­ingu bíla sem ganga fyrir jarð­efna­elds­neyti ólög­lega árið 2030. Þá á að verja 4 millj­örðum í kolefn­is­bind­ingu, sem frestar nið­ur­stöð­unni en stöðvar hana ekki. Við getum varla bundið neitt í dag og munum ekki geta bundið koltví­sýr­ing enda­laust. Þetta, ásamt öðrum aðgerðum sem snú­ast aðal­lega um rann­sókn­ir, gerir sam­tals 6 millj­arða króna, yfir fimm ára tíma­bil, eða rétt rúmur millj­arður króna á ári. ­Lausn í lofts­lags­málum verður ekki keypt fyrir tæp­lega 0.1 pró­sent af árlegum fjár­lögum rík­is­ins,“ segir hann. 

Smári telur þó að hægt sé að ná mark­mið­inu en til þess þurfi tölu­vert beitt­ari nálg­un. „Að fram­leiða tölu­verðan hluta elds­neyt­is­ins sem við notum hér inn­an­lands með efna­ferlum sem ganga út á föngun koltví­sýr­ings frá verk­smiðjum og virkj­unum er hluti af lausn­inni. Við gætum náð að minnka losun um 230 þús­und tonn fyrir lok 2021 með góðri fjár­fest­ingu strax.“

„Ljótur leikur hjá stjórnvöldum“
Formaður Viðreisnar gagnrýnir stjórnvöld harðlega fyrir viðbrögð við beiðni um skaðabætur.
Kjarninn 20. september 2019
Margrét Tryggvadóttir
Á sporbaug sem aldrei snertir jörðu
Leslistinn 20. september 2019
Icelandair gerir bráðabirgðasamning við Boeing um bætur
Kyrrsetningin á 737 Max vélunum frá Boeing hefur verið þung í skauti fyrir Icelandair.
Kjarninn 20. september 2019
Sigurður Ingi Jóhannsson, samgöngu- og sveitastjórnarráðherra.
Telur lágbrú fýsilegri kost fyrir nýja Sundabraut
Tveir val­kost­ir eru einkum tald­ir koma til greina vegna lagn­ing­ar Sunda­braut­ar, ann­ars veg­ar jarðgöng í Gufu­nes og hins veg­ar lág­brú yfir Klepps­vík. Samgöngu- og sveitastjórnarráðherra seg­ir að sér hugn­ist frek­ar lág­brú yfir Klepps­vík.
Kjarninn 20. september 2019
Höfuðstöðvar Vísis í Grindavík.
Vísir og Þorbjörn ræða sameiningu
Tvö sjávarútvegsfyrirtæki í Grindavík vilja sameinast. Gangi áformin eftir mun hið sameinaða fyrirtæki vera með um 16 milljarða króna í veltu á ári.
Kjarninn 20. september 2019
Ferðamenn eyddu minna en áður var haldið fram í ágúst síðastliðnum.
Hagstofan leiðréttir tölur í þriðja sinn á nokkrum vikum
Eyðsla útlendinga á greiðslukortum í ágúst 2019 var minni en í ágúst 2018, ekki meiri líkt og Hagstofa Íslands hélt fram fyrir viku síðan. Þetta er í þriðja sinn á örfáum vikum sem Hagstofan reiknar vitlaust.
Kjarninn 20. september 2019
Guðrún Svava, nemandi í bifvélavirkjun.
Enn eykst kynjabilið í starfsnámi á framhaldsskólastigi
Aðeins þrír af hverjum tíu nemendum á framhaldsskólastigi er í starfsnámi hér á landi. Guðrún Hafsteinsdóttir, formaður Samtaka iðnaðarins, segir að það þurfi samstillt þjóðarátak til að fjölga starfsnámsnemum.
Kjarninn 20. september 2019
Hvað er það við Icelandair sem stjórnmálamenn eiga að hafa áhyggjur af?
Prófessor í hagfræði hvatti stjórnmálamenn til að fylgjast með eiginfjárstöðu Icelandair á fundi í gær. Forstjóri Icelandair sagði ummælin ógætileg. Það sem veldur þessum áhyggjum er að eiginfjárhlutfall Icelandair hefur farið hríðlækkandi undanfarið.
Kjarninn 20. september 2019
Meira úr sama flokkiInnlent