Hluta­bréfa­vísi­tölur í Banda­ríkj­unum hafa fallið um 10 pró­sent frá hámarki, á þessu ári, sé mið tekið af með­al­tali helstu hluta­bréfa­vísi­tala. 

Nið­ur­sveifla hefur haldið áfram á mörk­uðum í dag, og var lækk­unin skörp. Nas­daq vísi­talan lækk­aði um rúm­lega 2 pró­sent í dag og S&P 500 vísi­talan lækk­aði um 1,7 pró­sent.

Hag­vöxtur í Banda­ríkj­unum mælist nú 3,5 pró­sent og er drif­inn áfram af einka­neyslu, en vöxtur í fjár­fest­ingu hefur verið að drag­ast sam­an, sam­kvæmt því sem fram kemur í umfjöllun Wall Street Journal. 

Ástæðan fyrir tölu­verðum titr­ingi á mörk­uðum að und­an­förnu er talin vera óvissa vegna hækk­andi vaxta og við­skipta­tolla­stríðs Kína og Banda­ríkj­anna. Stýri­vextir eru nú 2,25 pró­sent í Banda­ríkj­unum og gera spár seðla­bank­ans ráð fyrir að þeir hækki áfram á næsta ári.

Sum fyr­ir­tæki hafa lækkað tölu­vert og má nefna Amazon sem dæmi, en mark­aðsvirði þess hefur fallið um 200 millj­arða Banda­ríkja­dala, rúm­lega 20 pró­sent, á und­an­förnum 5 vik­um. 

Microsoft er nú orðið verð­meira en Amazon, og er því næst verð­mætasta fyr­ir­tæki heims­ins á eftir Apple. 

Verð­mæti Amazon lækk­aði um tæp­lega 8 pró­sent í dag, og er nú rúm­lega 800 millj­arða Banda­ríkja­dala, eða sem nemur um 96 þús­und millj­örðum króna.