Heið­veig María Ein­ars­dótt­ir, sem hefur til­kynnt um fram­boð til for­manns í Sjó­manna­fé­lagi Íslands, hefur fengið bréf frá for­ystu félags­ins, und­ir­ritað af Jónasi Garð­ars­syni, for­manni, þar sem henni er vikið úr félag­in­u. 

Frá þessu er greint á fram­boðs­síðu Heið­veigar Maríu. 

„Nú er ég end­an­lega orð­laus, ég vissi að þeir myndu ganga langt ! En að reka mig úr félag­inu er eitt­hvað sem mig hafði ekki getað órað fyrir að gæti gerst , að minnsta kosti ekki í okkar heims­hluta! Ég fékk bréf nú í dag frá for­manni Sjó­manna­fé­lags­ins þar sem hann rak mig úr félag­inu á grund­velli sam­þykktar trún­að­ar­manna­ráðs eftir kröfu fjög­urra full­trúa hins sama ráðs !“ segir Heið­veig María á Face­book. 

Í bréfi til hennar segir að hún hafi vegið að heiðri félags­ins með órök­studdum hætti og farið fram gegn félag­inu opin­ber­lega. Þetta er ekki rök­stutt með dæm­um, en fjórir félags­menn fóru fram á til­lög­una, sam­kvæmt bréfi. 

Hún hefur harð­lega gagn­rýnt for­ystu félags­ins, og meðal ann­ars bent á lausa­tök í starf­semi félags­ins, ekki síst þegar kemur að form­legum lögum og reglum þess. 

Í við­tali við 200 míl­ur, vef um sjáv­ar­út­vegs­mál, sagði hún meðal ann­ars að lög félags­ins hefðu ekki haldið á milli aðal­funda og tekið að breyt­ast í tíma og ótíma. „Í fyrstu geri ég mér ekki al­­veg grein fyr­ir því hvað er að eiga sér stað, ekki fyrr en ég fer inn á vef­safn Lands­­bóka­safns, þar sem geymd eru af­­rit af vef fé­lags­ins eins og hann lít­ur út hverju sinni. Þar sé ég að búið er að bæta inn í lög­­in ákvæði um að þeir ein­ir séu kjör­geng­ir til for­­mennsku sem greitt hafi til fé­lags­ins í þrjú ár þar á und­an,“ sagði Heið­veig María meðal ann­ars í við­tali við 200 míl­ur.