Ætla að byggja 525 hagkvæmar íbúðir sérstaklega fyrir ungt fólk

Alls búa 45 prósent landsmanna á aldrinum 18-29 ára í foreldrahúsum. Reykjavíkurborg hefur kynnt verkefni sem í felst að byggja yfir 500 íbúðir sérstaklega fyrir ungt fólk, og á hagkvæman hátt. Borgarstjóri vill fá ríkið með.

Ungt fólk í íbúðarkaupum
Auglýsing

Reykja­vík­ur­borg kynnti í morgun nýtt verk­efni um hag­kvæmar íbúðir fyrir ungt fólk. Til stend­ur, í fyrsta áfanga verk­efn­is­ins, að byggja að minnsta kosti 525 íbúðir á sjö mis­mun­andi reit­um.

Sam­kvæmt verk­efn­inu verður lóðum úthlutað á föstu verði, sem er kr. 45.000 á hvern fer­metra ofanjarðar auk gatna­gerð­ar­gjalda, nema ann­ars sé sér­stak­lega get­ið. Það á að skila því að íbúð­irnar verði mun ódýr­ari en nýjar íbúðir á mark­aði í dag eru.

Reit­irnir sem um ræðir eru í Úlf­arsár­dal (40 íbúð­ir), á Kjal­ar­nesi (tíu íbúð­ir), í Gufu­nesi (164 íbúð­ir), í Bryggju­hverfi við Elliða­ár­vog (163 íbúð­ir), við Sjó­manna­skól­ann (40 íbúð­ir), á Veð­ur­stofu­reit (50 íbúð­ir) og í Skerja­firði (72 íbúð­ir).

Auglýsing

Verk­efnið er afrakstur þess að borgin aug­lýsti fyrr á þessu ári eftir hug­myndum að sam­starfs­að­ilum til að þróa og hanna hag­kvæmt hús­næði fyrir ungt fólk og fyrstu kaup­endur á ákveðnum lóðum í borg­inni. Til stendur að vinna upp­bygg­ing­una á grunni þeirra hug­mynda sem skilað var inn. Á fund­inum í morgun fóru þeir sam­starfs­að­ilar sem borgin hefur valið yfir frum­hug­myndir sínar um hag­kvæmt hús­næði fyrir ungt fólk á reit­un­um. Reykja­vík­ur­borg leggur ríka áherslu á að fram­kvæmdir hefj­ist eins fljótt og auðið er og að þær gangi hratt fyrir sig.

Ungu fólki í for­eldra­húsum fjölgar

Staða ungs fólks á hús­næð­is­mark­aði hefur versnað til muna á síð­ustu árum. Í nýrri skýrslu sem Íbúða­lána­sjóður og vel­ferð­ar­ráðu­neytið kynntu á Hús­næð­is­þingi í vik­unni kom meðal ann­ars fram að sðstoð við að kaupa fyrstu íbúð hefur auk­ist gríð­ar­lega. Á árunum 1990-2009 var það hlut­fall rúm­lega 40 pró­sent en frá 2010 hefur það verið tæp­lega 60 pró­sent.

Í könnun MMR sem birt var í vik­unni kom einnig fram að 45 pró­sent Íslend­inga á aldr­inum 18-29 ára búa í for­eldra­hús­um. Í fyrra var það hlut­fall 37 pró­sent og árið 2016 var það 29 pró­sent.

Vill fá rík­is­valdið og fjár­mögn­un­ar­að­ila með

Dagur B. Egg­erts­son, borg­ar­stjóri í Reykja­vík, ræddi verk­efnið í sjón­varps­þætt­inum 21 á Hring­braut á mið­viku­dag. Þar sagði hann að huga þyrfti sér­stak­lega að ungu fólki og fyrstu kaup­endum á hús­næð­is­mark­aði. Hægt er að sjá stiklu úr þætt­inum hér að neð­an.



Dagur sagði að verk­efn­ið, sem borgin kynnti í morg­un, byggi á því að kallað hefði verið eftir nýjum hug­myndum og nýrri hugsun fyrir fyrstu kaup­end­ur. „Við erum að leggja undir þetta lóðir á einum sjö stöðum í borg­inni. Það voru fjöldi aðila sem sendu inn hug­mynd­ir. Þeim hefur nú verið gefið ein­kunn og við erum nú að hefja við­ræður við þá um lóða­út­hlut­an­ir. Í þessum fyrsta áfanga verða þetta yfir 500 íbúð­ir. 525 íbúðir alla­vega. Hugs­an­lega er hægt að fjölga þeim eitt­hvað í skipu­lags­vinn­unni. Þannig að þarna er líka að koma inn nýtt spenn­andi verk­efni með nýsköp­un, með þarfir þessa hóps sem hefur verið dálítið útundan í mínum huga og við myndum gjarnan vilja fá rík­is­valdið og fjár­mögn­un­ar­að­ila með í næstu skref í þessu þannig að þetta nýt­ist eins vel og við vilj­u­m.“

Upphafið - Árstíðaljóð
Safnað fyrir fimmtu ljóðarbók Gunnhildar Þórðardóttur.
Kjarninn 18. ágúst 2019
Guðlaugur Þór Þórðarson
Rúmar 16 milljónir í aðkeypta ráðgjöf og álit vegna þriðja orkupakkans
Kostnaður vegna innlendrar ráðgjafar og álita nemur rúmlega 7,6 milljónum króna og erlends tæpum 8,5 milljónum króna.
Kjarninn 18. ágúst 2019
Katrín Jakobsdóttir forsætisráðherra.
Sex ríkisforstjórar með hærri laun en forsætisráðherra
Laun bankastjóra Landsbankans hafa hækkað mest allra ríkisforstjóra, eða um 82 prósent, frá því að bankaráð bankans tók yfir ákvörðun um launakjör hans. Átta ríkisforstjórar eru með hærri laun en flestir ráðherrar.
Kjarninn 18. ágúst 2019
Vilja steypa Boris Johnson af stóli
Breska stjórnarandstaðan leitar nú að nýjum þingmanni sem gæti orðið forsætisráðherra Bretlands í stað Borisar Johnson. Jeremy Corbyn telur sig vera manninn í verkið, en ekki eru allir innan stjórnarandstöðunnar á sama máli.
Kjarninn 18. ágúst 2019
Draumur um landakaup
Einhverjir hafa kannski, til öryggis, litið á dagatalið sl. föstudag þegar fréttir bárust af því að Bandaríkjaforseti hefði viðrað þá hugmynd að kaupa Grænland. Þetta var þó ekki aprílgabb og ekki í fyrsta skipti sem þessi hugmynd skýtur upp kollinum.
Kjarninn 18. ágúst 2019
Katrín Jakobsdóttir
Ok skiptir heiminn máli
Kjarninn 17. ágúst 2019
Peningastefnunefnd í tíu ár
Gylfi Zoega segir að framtíðin muni leiða í ljós hvort áfram takist að ná góðum árangri eins og hafi verið gert með peningastefnu síðustu 10 ára á Íslandi en reynslan síðasta áratuginn sé samt staðfesting þess að það sé hægt ef vilji sé fyrir hendi.
Kjarninn 17. ágúst 2019
Gunnar Hólmsteinn Ársælsson
Nýir tímar á Norðurslóðum?
Kjarninn 17. ágúst 2019
Meira úr sama flokkiInnlent