„Það eru þús­undir ein­stak­linga í þessu sam­fé­lagi sem eru að glíma við gigt. Ég er einn af þeim. Ég ætla að reyna að standa mig gagn­vart heils­unni eins og ég ætla að reyna að standa mig í vinn­unn­i.“

Þetta sagði Dagur B. Egg­erts­son, borg­ar­stjóri í Reykja­vík, í við­tali við Þórð Snæ Júl­í­us­son, rit­stjóra Kjarn­ans, í sjón­varps­þætt­inum 21 á Hring­braut sem frum­sýnt var á mið­viku­dag. Hægt er að horfa á stiklu úr við­tal­inu hér að neð­an.

Dagur hefur verið frá vegna veik­inda und­an­farnar vikur en kom aftur til starfa í byrjun lið­innar viku. Hann greind­ist með fylgi­gigt í sum­ar, sem er sjald­gæfur gigt­ar­sjúk­dóm­ur, og er á sterkum lyfjum vegna henn­ar.

Þau lyf eru ónæm­is­bælandi og vegna töku þeirra er meiri hætta á sýk­ingum en ella. „Þetta hefur gengið býsna vel og ég var ansi bratt­ur. Var far­inn að hlaða á mig eins og í gömlu góðu daga, þegar það tók sig upp sýk­ing sem ég var með síð­asta vet­ur. Ég þurfti tíma til þess að ná henni niður með sýkla­lyfjum og hvíld. En er núna kom­inn aftur til starfa. Ég þarf kannski að passa að fara of geyst.“

Dagur seg­ist ekki vita allt um það hvernig sjúk­dóm­ur­inn muni hafa áhrif á sig. „Frændi minn, sem er yngri en ég og fékk gigt í kringum tví­tugt, orð­aði þetta þannig að hann hafi verið þving­aður inn í þroska­stökk sem að hann var kannski ekki alveg að biðja um að taka. En þetta er bara hluti af líf­inu sem kennir manni ákveðna auð­mýkt. Og ég þarf að passa mig.“