Stjórn VÍS barst í dag bréf frá þremur hlut­höf­um, ann­ars vegar Líf­eyr­is­sjóði versl­un­ar­manna (8,64%) og hins vegar Líf­eyr­is­sjóði Starfs­manna rík­is­ins A-deild (5,27%) og B-deild (0,98%), þar sem farið er fram á að stjórn félags­ins boði til hlut­hafa­fundar þar sem stjórn­ar­kjör er sett á dag­skrá. Sam­tals eiga þessir þrír hlut­hafar 14,89% í VÍS.

Þetta kemur fram í frétta­til­kynn­ingu frá VÍS. 

Á dög­unum sögðu tveir stjórn­ar­menn sig úr stjórn VÍS, þau Helga Hlín Hákon­ar­dóttir og Jón Sig­urðs­son. Í stjórn­inni eru nú Svan­hildur Nanna Vig­fús­dótt­ir, Gestur Breið­fjörð Gests­son og Valdi­mar Svav­ars­son, sem jafn­framt er stjórn­ar­for­mað­ur.

Í 85. gr. laga um hluta­fé­lög nr. 2/1995 og 1. mgr. 12. gr. sam­þykkta VÍS kemur fram að boða skuli til hlut­hafa­fundar ef hlut­haf­ar, sem ráða yfir minnst 5% hluta­fjár­ins, krefj­ast þess skrif­lega og greina fund­ar­efni. Sam­kvæmt sömu greinum hefur stjórn 14 daga til að senda út fund­ar­boð.

„Stjórn félags­ins mun á næstu dögum taka afstöðu til þess­ara krafna hlut­haf­anna og und­ir­búa boðun hlut­hafa­fund­ar,“ segir í til­kynn­ingu frá VÍS. 

Líf­eyr­is­sjóður versl­un­ar­manna er stærsti ein­staki hlut­hafi félags­ins. Eigið fé VÍS var í lok þriðja árs­fjórð­ungs 14,7 millj­arðar króna og heild­ar­eignir rúm­lega 48 millj­arð­ar.