Lands­bank­inn býður til sölu, í heild eða að hluta, allt að 12,1 pró­sent eign­ar­hlut í fjár­fest­ing­ar­fé­lag­inu Eyri Invest hf. Sölu­ferlið fer fram í sam­ræmi við stefnu Lands­bank­ans um sölu eigna og er öllum opið sem telj­ast vera hæfir fjár­fest­ar.

Þetta kemur fram í til­kynn­ingu frá bank­an­um. 

Eyrir Invest hf. er fjár­fest­ing­ar­fé­lag sem stofnað var árið 2000. Langstærsta eign Eyris Invest hf. er 25,9 pró­sent eign­ar­hlutur í Marel hf. Eyrir Invest hf. á einnig tæpan helm­ings hlut í Eyri Sprotum slhf., fjár­fest­ing­ar­fé­lagi sem fjár­festir í nýsköp­un­ar­fyr­ir­tækj­um, og um þriðj­ungs­hlut í Efni ehf., sem sér­hæfir sig í að byggja upp nýjar mark­aðs- og sölu­leiðir fyrir fyr­ir­tæki í gegnum net­sölu og sam­fé­lags­miðla.

Sölu­ferlið fer fram í sam­ræmi við stefnu Lands­bank­ans um sölu eigna í eigu bank­ans og er öllum opið sem telj­ast hæfir fjár­festar sam­kvæmt skil­grein­ingu laga um verð­bréfa­við­skipti.

Í til­kynn­ing­unni kemur jafn­framt fram að áhuga­samir fjár­festar geti haft sam­band við Fyr­ir­tækja­ráð­gjöf Lands­bank­ans með því að senda tölvu­póst­fang á net­fangið solu­ferli@lands­bank­inn.­is. Til­boðs­frestur er til klukkan tólf mið­viku­dag­inn 28. nóv­em­ber næst­kom­and­i.