Veðjuðu rauðvínsflösku um hvort ríkisstjórnin myndi sitja út kjörtímabilið

Logi Einarsson heldur að ríkisstjórnin muni springa áður en kjörtímabilið er búið. Þorgerður Katrín Gunnarsdóttir segir Trump-ás vera orðinn til í íslenskum stjórnmálum. Hún telur þó að ríkisstjórnin muni sitja ansi lengi.

Logi og ÞKG
Auglýsing

Logi Ein­ars­son, for­maður Sam­fylk­ing­ar­inn­ar, hefur aldrei haft trú á því að rík­is­stjórn Katrínar Jak­obs­dóttur muni sitja út kjör­tíma­bil­ið. „Ég[...]hef enga trú á því að Vinstri græn treysti sér í að fara í kosn­ing­ar, og starfa í þess­ari rík­is­stjórn fram á síð­ustu stundu. Vegna þess að þau eru að verja mál­stað sem ég trúi ekki að þau trúi á. Ég trúi ekki á það að þau ætli að láta allar byrð­arnar í lægð­inni leggj­ast á veik­ustu hópanna. Ef að það er þá er þessi flokkur minna virði en ég hélt að hann væri.“

Þor­gerður Katrín Gunn­ars­dótt­ir, for­maður Við­reisn­ar, telur hins vegar að rík­is­stjórnin muni sitja ansi lengi og að Fram­sókn­ar­flokk­ur­inn muni gera allt sem hann getur til að halda henni sam­an. Það yrði líka mikil nið­ur­læg­ing fyrir Sjálf­stæð­is­flokk­inn að enn ein rík­is­stjórnin sem hann situr í næði ekki að sitja út heilt kjör­tíma­bil, líkt og raunin hefur verið með síð­ustu þrjár stjórnir sem flokk­ur­inn hefur átt aðild að. „Ég held að þessi rík­is­stjórn muni sitja lengur og þreyja þorr­ann eins lengi og hún get­ur.“

Þetta kom fram í við­tali Þórðar Snæs Júl­í­us­son­ar, rit­stjóra Kjarn­ans, við Loga og Þor­gerði í þætt­inum 21 á Hring­braut sem sýndur var síð­asta mið­viku­dag. Hægt er að sjá stiklu úr þætt­in­um, þar sem þau ræða stjórn­mála­á­stand­ið, hér að neð­an.

Í þætt­inum er einnig rætt tölu­vert um mögu­lega blokka­myndun innan íslenskra stjórn­mála, í ljósi þess að íslenskt stjórn­mála­á­stand hefur umbreyst á örfáum árum. Nú eru til að mynda átta flokkar á þingi og ómögu­legt að mynda sterka tveggja flokka stjórn, sem var normið í íslenskum stjórn­málum ára­tugum sam­an.

Logi segir að sér hafi lengi þótt ákjós­an­leg sú til­hugsun að flokkar færu með­vit­aðri og upp­lýst­ari inn í kosn­ingar og gæfu kjós­endum sínum skýr­ari skila­boð um hvað þeir ætli að gera. „Ég tala um Vinstri græn – þó ég gagn­rýni þau í þess­ari rík­is­stjórn – sem mína póli­tísku nágranna. Þau eru það vissu­lega í mörgum mál­um. Og þau eru miklu nátt­úru­legri sam­starfs­að­ili Sam­fylk­ing­ar­innar heldur en Sjálf­stæð­is­flokks­ins. Ég held að þessi spenna sem er að hlað­ast upp, og hún mun birt­ast í þriðja orku­pakk­an­um, hún mun birt­ast í þung­ung­ar­rofs­mál­inu, kosn­inga­mál­inu, stjórn­ar­skránni, hún mun á end­anum leiða til þess að þetta springur í tætlur og þá fylkja sér auð­vitað saman þeir sem eru nátt­úru­legir banda­menn og geta stjórnað án þess að vera að gera mála­miðl­anir um lægsta sam­nefn­ara.“

Auglýsing
Þorgerður Katrín seg­ist að mörgu leyti sam­mála Loga. Hún segir tvo ása vera til staðar í íslenskum stjórn­mál­um. „Það er frjáls­lynd­i-ás­inn. Svo er íhaldsami-ásinn, en það má líka kalla hann Trump-ás­inn. Hann er birt­ing­ar­mynd þess sem ákveðnir flokk­ar, eða hópar innan ákveð­inna flokka, vilja standa frammi fyr­ir. Ég vona að íslenskir kjós­endur fari að átta sig á nákvæm­lega þessu. Það hefur oft verið gaman í póli­tík en þetta eru mjög áhuga­verðir og skemmti­legir tím­ar.“

Logi segir í þætt­inum að hann telji að það sé miklu meiri áhugi innan Vinstri grænna, jafn­vel innan þing­liðs flokks­ins, að skoða gjald­miðla­málin og velta fyrir sér hvort að Ísland eigi að taka upp nýjan gjald­mið­il. „Ég þyk­ist vita það af sam­tölum við þing­menn.“

Þor­gerður Katrín er ekki jafn viss og seg­ist upp­lifa að Vinstri grænum líð ótrú­lega vel í þessu rík­is­stjórn­ar­sam­starfi. „Það er alla­vega þannig að yfir­hönd­ina í Vinstri grænum hefur núna gamli arm­ur­inn.“

Í lok þátt­ar­ins gerðu for­menn­irnir með sér veð­mál um hvort rík­is­stjórn Katrínar Jak­obs­dóttur myndi sitja út kjör­tíma­bilið eða ekki. Þar lögðu þau undir góða rauð­víns­flösku og nýja rík­is­stjórn.

Hægt er að sjá þátt­inn í heild sinni hér að neð­an:

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Gunnþór Ingvason, forstjóri Síldarvinnslunnar, á kynningarfundi á uppgjöri félagsins í gær.
Hluthafafundur Síldarvinnslunnar samþykkti kaupin á Vísi
Hlutabréf í Síldarvinnslunni hafa rokið upp á síðustu vikum. Sá hlutur sem systkinin úr Grindavík sem eiga Vísi í dag munu fá fyrir að selja útgerðina til Síldarvinnslunnar hefur hækkað um 3,7 milljarða króna í virði á rúmum mánuði.
Kjarninn 19. ágúst 2022
Kristrún Frostadóttir tilkynnti um formannsframboð sitt í Iðnó í dag.
Kristrún í formannsframboð: „Samfylkingin þarf að ná virkari tengingu við venjulegt fólk“
Kristrún Frostadóttir ætlar sér að verða næsti formaður Samfylkingarinnar. Hún ætlar að leggja áherslu á kjarnamál jafnaðarmanna, jákvæða pólitík, meiri samkennd og minni einstaklingshyggju. „Ég veit að það er hægt að stjórna landinu betur.“
Kjarninn 19. ágúst 2022
Í könnuninni var spurt hvaða verkalýðsleiðtoga fólk treysti helst til að leiða ASÍ. Auk þessara fjögurra var nafn Kristjáns Þórðar Snæbjarnarsonar á listanum.
Reykvíkingar, háskólamenntaðir og kjósendur Vinstri grænna báru mest traust til Drífu
Drífa Snædal naut mests trausts kjósenda allra flokka nema Sósíalistaflokks Íslands til þess að leiða Alþýðusamband áfram næstu tvö árin, samkvæmt niðurstöðum nýlegrar könnunar sem Gallup var falið að framkvæma.
Kjarninn 19. ágúst 2022
Tæknivarpið
Tæknivarpið
Tæknivarpið - Húðtóna heyrnartól frá Kardashian
Kjarninn 19. ágúst 2022
Tæknivarpið
Tæknivarpið
Tæknivarpið – Nýr íslenskur „banki“
Kjarninn 19. ágúst 2022
Sjúklingar þurfa ekki að eiga snjallsíma til að nýta sér þjónustu Uber Health.
Uber haslar sér völl í heilbrigðisþjónustu
Ástralskir læknar geta nú bókað akstur fyrir sjúklinga sína á læknastofur og sjúkrahús hjá farveitunni Uber. Margir hafa lýst yfir efasemdum um að fyrirtækinu sé treystandi fyrir heilbrigðisupplýsingum fólks.
Kjarninn 19. ágúst 2022
Björk um Katrínu Jakobsdóttur: „Hún hefur ekki gert neitt fyrir umhverfið“
Þekktasta tónlistarkona Íslandssögunnar segir að forsætisráðherra hafi gert sig fokreiða árið 2019 með því að draga sig út úr því að lýsa yfir neyðarástandi í loftslagsmálum með henni og Gretu Thunberg.
Kjarninn 19. ágúst 2022
Þorsteinn Víglundsson
Vinnumarkaður í úlfakreppu
Kjarninn 19. ágúst 2022
Meira úr sama flokkiInnlent