Eignir ríkustu fimm prósent landsmanna jukust um metupphæð í fyrra

Ríkustu fimm prósent þjóðarinnar juku eignir sínar um 274 milljarða króna í fyrra. Það er meira en sama hlutfalll þjóðarinnar jók eignir sínar árið 2007.

Bjarni Benediktsson svaraði fyrirspurn Loga EInarssonar um eignir og tekjur landsmanna fyrir skemmstu.
Bjarni Benediktsson svaraði fyrirspurn Loga EInarssonar um eignir og tekjur landsmanna fyrir skemmstu.
Auglýsing

Heild­ar­eignir rík­ustu fimm pró­sent þjóð­ar­innar uxu um 274 millj­arða króna í fyrra og námu alls 1.852 millj­örðum króna. Það er mesta eigna­aukn­ing í krónum talið hjá þeim hópi á einu ári í að minnsta kosti 20 ár. Þetta má lesa út úr svari Bjarna Bene­dikts­son­ar, fjár­mála- og efna­hags­ráð­herra, við fyr­ir­spurn Loga Ein­ars­son­ar, for­manns Sam­fylk­ing­ar­inn­ar, um eignir og tekjur lands­manna á árinu 2017. Vert er að taka fram að um heild­ar­eignir er að ræða, ekki eigið fé þegar búið er að draga skuldir frá.

Alls áttu rík­ustu fimm pró­sent þjóð­ar­inn­ar, um 11.450 fjöl­skyld­ur, 32 pró­sent af öllum eignum á Íslandi í lok síð­asta árs. Frá lokum árs 2010 hafa eignir þessa hóps auk­ist um 718 millj­arða króna.

Þangað til í fyrra hafði mesta aukn­ingin á eignum fimm pró­sent rík­ustu Íslend­ing­anna verið á árinu 2007, þegar fyr­ir­hruns­góð­ærið náði hámarki. Þá juk­ust eignir hóps­ins um 250 millj­arða króna á einu ári.

Þegar þrengri hóp­ur, nánar til­tekið rík­asta eitt pró­sent lands­manna, er skoð­aður þá stendur eigna­aukn­ing­ar­metið frá 2007 en óhagg­að. Það ár juk­ust eignir þess hóps um 141 millj­arð króna. Í fyrra juk­ust eignir rík­asta eins pró­sents lands­manna um 105 millj­arða króna og stóðu í 759 millj­örðum króna í árs­lok. Alls til­heyra 2.290 fjöl­skyldur þessum hópi.

Auglýsing
Ríkasta 0,1 pró­sent lands­manna, 229 fjöl­skyld­ur, áttu eignir sem metnar voru á rúm­lega 241 millj­arð króna um síð­ustu ára­mót. Þær höfðu þá auk­ist 33 millj­arða króna á einu ári. Árið 2007 juk­ust þær hins vegar um 67 millj­arða króna á einu ári, sem var og er vit­an­lega met.

Vert er að taka fram að færri fjöl­skyldur til­heyrðu hverjum hlut­falls­hópi á árum áður, enda hefur lands­mönnum fjölgað hratt á und­an­förnum árum. Því er ekki að öllu leyti um sama fólkið að ræða sem til­heyrir efstu lög­unum hverju sinni.

Mjög hátt eig­in­fjár­hlut­fall

Kjarn­inn hefur áður greint frá því að upp­gang­ur­inn í íslensku efna­hags­lífi  hafi skilað því að eigið fé lands­­manna, eignir þeirra þegar búið er að draga skuldir frá, hefur farið úr því að vera 1.565 millj­­arðar króna í lok árs 2010 í að vera 4.103 millj­­arðar króna um síð­­­ustu ára­­mót. Því hafa orðið til 2.538 nýir millj­­arðar króna í hreinni eign á umræddu tíma­bili. Þeir hafa skipst mis­­­jafn­­­lega niður á lands­­menn.

Á síð­asta ári áttu rík­ustu fimm pró­sent lands­manna 1.647 millj­arða króna, sem þýðir að eig­in­fjár­hlut­fall þeirra var um 89 pró­sent. Þ.e. ein­ungis rétt rúm­lega tíund af eignum þeirra var skuld­sett.

Auður rík­­asta eins pró­­sents lands­­manna, alls 2.290 fjöl­­skyldna, hefur auk­ist um 270 millj­­arða króna frá árs­lokum 2010, sem þýðir að tæp­­lega ell­efu pró­­sent nýs auðs hefur farið til þess hluta lands­­manna. Alls átti þessi hópur 719 millj­­arða króna í lok árs 2017 og eig­in­fjár­hlut­fall hóps­ins var um 95 pró­sent.

Þegar enn minni hóp­­ur, 0,1 pró­­sent rík­­­ustu fjöl­­skyldur lands­ins er skoð­aður kemur í ljós að hann á tæp­­lega 237 millj­­arða króna í hreinni eign. Það þýðir að eig­in­fjár­hlut­fall hans er rúm­lega 98 pró­sent.

Rétt er að taka fram að hluta­bréf eru talin á nafn­virði í þessum gögnum og fast­eignir eru taldar á fast­eigna­mats­verði. Mark­aðsvirði beggja, sem eru á meðal helstu eign­ar­flokka á Íslandi, er mun hærra en það virði.

Árshækkun fasteignaverðs nú 1,3 prósent
Verulega hefur dregið úr hækkunum á fasteignamarkaði að undanförnu.
Kjarninn 21. maí 2019
Viðar: Ég vona innilega að þú fyrir hönd Hörpu aflýsir viðburðinum
Framkvæmdastjóri Eflingar vill að Harpan aflýsi viðburði sem á að fara fram 23. maí þar sem þekktur hægri öfgamaður á að koma fram.
Kjarninn 21. maí 2019
Ingibjörg Ýr Jóhannsdóttir
Að borða fíl
Kjarninn 21. maí 2019
Meirihluti landsmanna telur að vel hafi tekist til við gerð kjarasamninga
Rúmlega 60 prósent landsmanna telur að vel hafi tekist til við gerð kjarasamninga VR og Eflingar við Samtök atvinnulífsins. Þá telja sjö af hverjum tíu að stéttarfélögunum sé að þakka að vel hafi tekist til við gerð samningana.
Kjarninn 21. maí 2019
Björn Leví Gunnarsson, þingmaður Pírata.
Björn Leví: Rökstuddur grunur um að Ásmundur hafi dregið sér fé
Þingmaður Pírata endurtók orð Þórhildar Sunnu sem siðanefnd Alþingis þóttu brotleg í pontu Alþingis í dag. Steingrímur J. Sigfússon, forseti Alþingis, taldi þau ekki við hæfi.
Kjarninn 21. maí 2019
Píratar ekki alltaf vinsælustu krakkarnir á kaffistofu Alþingis
Þórhildur Sunna Ævarsdóttir segist telja að eftirlitsstofnanir séu mögulega viljandi undirfjármagnaðar. Það sé erfitt að vera að slást í því að auka gagnsæi og traust, en láta svo slá á puttana á sér þegar bent sé á að rannsaka þurfi meint misferli.
Kjarninn 21. maí 2019
Kynntu aðgerðir stjórnvalda gegn mansali og félagslegu undirboði
Forsætisráðherra, dómsmálaráðherra og félags- og barnamálaráðherra kynntu sameiginlega aðgerðir stjórnvalda gegn mansali og félagslegu undirboði á ríkisstjórnarfundi í morgun.
Kjarninn 21. maí 2019
Hæstiréttur vísar frá endurupptökubeiðni Jóns Ásgeirs
Hæstiréttur féllst í morgun á kröfu saksóknara um að vísa frá endurupptökubeiðni Jóns Ásgeirs Jóhannessonar og Tryggva Jónssonar í einum anga af Baugs-málinu svokallaða.
Kjarninn 21. maí 2019
Meira úr sama flokkiInnlent