Allir fimm nefnd­ar­menn í pen­inga­stefnu­nefnd Seðla­banka Íslands, sem ákvarðar vexti, töldu rétt að hækka vext­ina, en þeir ræddu sína á milli hvort það ætti að hækka um 0,25 pró­sentur eða 0,5 pró­sent­ur.

Þetta kemur fram í fund­ar­gerð pen­inga­stefnu­nefndar frá því fyrr í mán­uð­in­um, sem birt var í dag á vef Seðla­bank­ans. 

Vextir voru hækk­aðir um 0,25 pró­sentur og eru meg­in­vextir nú 4,5 pró­sent, en verð­bólga mælist 2,8 pró­sent.

„Hækk­un verð­bólgu­vænt­inga að und­an­förnu gæti einnig bent til þess að kjöl­festa þeirra við mark­mið hefði veikst. Allir nefnd­ar­menn voru því þeirrar skoð­unar að nauð­syn­legt væri að hækka vext­i ­bank­ans nú og rætt var um hvort hækka ætti þá um 0,25 pró­sentur eða 0,5 pró­sent­ur,“ segir í fund­ar­gerð­inni.

Fram kemur í fund­ar­gerð­inni að Már Guð­munds­son seðla­banka­stjóri hafi lagt til að vextir myndu hækka um 0,25 pró­sentur og studdu allir nefnd­ar­menn það, nema einn sem vildi hækka um 0,5 pró­sent­ur. 

„Helstu rökin fyrir því að hækka vexti um 0,25 pró­sentur voru þau að tölu­verð óvissa væri um hversu hratt drægi úr hag­vexti og hvernig gengi krón­unnar myndi bregð­ast við hækkun vaxta og lækkun hlut­falls sér­stakrar bindi­skyldu. For­sendur gætu verið til staðar fyrir heldur lægri raun­vöxtum en ella, eftir því hvernig þessir þættir ásamt öðrum myndu þróast, þótt það væri ekki í þeim mæli sem hefði nú þegar raun­gerst. Því væri var­legra að taka minna skref nú. Fram­haldið myndi síðan ráð­ast af fram­vind­unni. Helstu rökin fyrir því að hækka vexti um 0,5 ­pró­sentur voru hins vegar þau að verð­bólgu­horfur hefðu versnað tölu­vert og verð­bólgu­vænt­ingar hækkað það mikið að 0,25 pró­sentna hækkun vaxta dygði ekki til, enda yrði taum­hald pen­inga­stefn­unnar áfram minna en það var á októ­berfundi nefnd­ar­innar þrátt ­fyrir þessa vaxta­hækk­un. Þá væru raun­vextir bank­ans afar lágir þegar haft er í huga að spenna er enn í þjóð­ar­bú­skapn­um,“ segir í fund­ar­gerð­inni.

Í pen­inga­stefnu­nefnd­inni sitja auk Más, sem er for­mað­ur, Gylfi Zoëga, Katrín Ólafs­dótt­ir, Rann­veig Sig­urð­ar­dóttir og Þór­ar­inn G. Pét­urs­son.