Ríkið áfrýjar dómi vegna skipunar dómara

Íslenska ríkið hefur áfrýjað dómum Héraðsdóms Reykjavíkur sem dæmdi ríkið bótaskylt í málum þeirra Jóns Höskuldssonar og Eiríks Jónssonar.

Eiríkur Jónsson er annar þeirra sem stefndi ríkinu vegna ólögmætra athafna Sigríðar Á. Andersen.
Eiríkur Jónsson er annar þeirra sem stefndi ríkinu vegna ólögmætra athafna Sigríðar Á. Andersen.
Auglýsing

Íslenska ríkið hefur áfrýjað dómum Hér­aðs­dóms Reykja­víkur sem dæmdi ríkið bóta­skylt í málum þeirra Jóns Hösk­ulds­sonar og Eiríks Jóns­son­ar. Þetta kemur fram í frétt RÚV.

Íslenska ríkið var dæmt þann 25. októ­ber síð­ast­lið­inn til að greiða Jóni og Eiríki bætur vegna ólög­­­­mætra athafna Sig­ríðar Á. And­er­­sen dóms­­­­mála­ráð­herra þegar hún skip­aði dóm­­­­ara í Lands­rétt. Jón og Eiríkur voru á meðal þeirra fjög­­­­urra umsækj­enda sem dóm­­­­nefnd hafði talið á meðal 15 hæf­­­­ustu til að starfa í rétt­inum en Sig­ríður vék til hlið­­­­ar. Hér­aðs­dómur Reykja­víkur dæmdi Jóni fjórar millj­ónir króna í skaða­bæt­ur, 1,1 milljón króna í miska­bætur auk þess sem ríkið greiðir 1,2 milljón króna máls­kostnað hans. 

Dóm­ur­inn féllst á bóta­skyldu rík­is­ins gagn­vart Eiríki en hann mun þurfa að höfða skaða­bóta­mál til að inn­heimta þá bóta­skyldu. Ríkið greiðir 1,2 milljón króna máls­kostnað hans. 

Auglýsing

Aðal­með­ferð mál­anna tveggja fór fram í sept­em­ber síð­ast­liðn­um. Vitna­leiðslur í þeim fóru fram sam­hliða í ljósi þessi að sömu vitni voru kölluð fyr­ir.

Braut gegn ákvæðum stjórn­­­sýslu­laga

Sig­ríður Á. And­er­­sen dóms­­­mála­ráð­herra ákvað að víkja frá hæfn­is­mati dóm­­­­­nefndar um skipun 15 dóm­­­­­ara í Lands­rétt í lok maí 2017. Hún ákvað að til­­­­­nefna fjóra ein­stak­l­inga dóm­­­ara sem nefndin hafði ekki metið á meðal 15 hæf­­­ustu og þar af leið­andi að skipa ekki fjóra aðra sem nefndin hafði talið á meðal þeirra hæf­­­ustu. Alþingi sam­­­þykkti þetta í byrjun júní 2017.

Ást­ráður Har­alds­­­­son og Jóhannes Rúnar Jóhanns­­­­son, sem urðu báðir af dóm­­­­ara­­­­sæti í Lands­rétti vegna ákvörð­unar Sig­ríð­­­­ar, stefndu rík­­­­inu vegna ákvörð­unar Sig­ríð­­­ar. Hæst­i­­­réttur komst að þeirri nið­­­ur­­­stöðu í des­em­ber að Sig­ríður hafi brotið gegn stjórn­­­sýslu­lögum þegar hún ákvað að fara gegn áliti dóm­­­nefnd­­­ar­inn­­­ar. Í gær birti Stundin svo gögn sem sýna að sér­­­fræð­ingar stjórn­­­­­ar­ráðs­ins höfðu varað ráð­herr­ann við því að svona gæti far­ið.

Þeir eru báðir starf­andi lög­­­­­­­menn og lögðu ekki fram nein gögn sem gátu sýnt fram á fjár­­­­hagstjón vegna ákvörð­unar ráð­herra. Skorað var á þá fyrir dómi að leggja fram skatt­fram­­­­töl og þar með upp­­­­lýs­ingar um tekjur sínar þannig að unnt væri að taka afstöðu til þess hvort þeir hefðu beðið „fjár­­­­tjón vegna þeirra ákvarð­ana dóms­­­­mála­ráð­herra sem um ræðir í mál­in­u“. Hvor­ugur þeirra gerði slíkt og þess vegna var íslenska ríkið sýknað af við­­­­ur­­­­kenn­ing­­­­ar­­­­kröfu um fjár­­­­tjón. Íslenska rík­­­inu var hins vegar gert að greiða þeim miska­bæt­­­ur.

Tveir aðrir stefndu

Tveir aðrir menn sem voru á lista dóm­­­­nefndar yfir þá sem átti að skipa dóm­­­­ara höfð­uðu ekki slík mál. Annar þeirra, Jón Hösk­­­­ulds­­­­son hér­­­­aðs­­­­dóm­­­­ari, sendi hins vegar kröfu á íslenska ríkið eftir að dómur Hæsta­réttar lá fyrir þar sem hann krafði það um skaða- og miska­bætur vegna skip­unar í Lands­rétt. Þeirri kröfu var ekki svarað og í kjöl­farið höfð­aði Jón það mál sem dæmt var í í dag.

Jón krafð­ist þess að fá bætt mis­­­­mun launa, líf­eyr­is­rétt­inda og ann­­­­arra launa­tengdra rétt­inda dóm­­­­ara við Lands­rétt ann­­­­ars vegar og hér­­­­aðs­­­­dóm­­­­ara hins veg­­­­ar. Jón krafð­ist þess að fá þennan mun greiddan út starfsævi sína, eða í níu ár. Lands­rétt­­­­ar­­­­dóm­­­­arar fá 1,7 millj­­­­ónir króna í laun á mán­uði en hér­­­­aðs­­­­dóm­­­­arar 1,3 millj­­­­ónir króna.

Eiríkur ákvað að fylgja í fót­­spor Jóns snemma á þessu ári og stefndi rík­­inu. Hann er fæddur árið 1977 og er því rúm­lega fer­tugur að aldri. Eiríkur átti því um 27 ár eftir á vinn­u­­­­­mark­aði þegar skipað var í Lands­rétt miðað við hefð­bund­inn eft­ir­­­­­launa­ald­­­­­ur.

Arion banki gaf ekki út lánsloforð vegna Primera Air
Arion banki hefur sent frá sér yfirlýsingu þar sem gerðar eru athugasemdir við rangfærslur Andra Más Ingólfssonar. Arion banki segir að þrátt fyrir að bankinn hafi átt í viðræðum við Primera Air þá hafi bankinn ekki gefið fyrirheit um lánveitingu.
Kjarninn 13. desember 2018
Kolbeinn Óttarsson Proppé
Eignarhald ríkisins skapar tækifæri
Kjarninn 13. desember 2018
Tæknivarpið
Tæknivarpið
Tæknivarpið – Vill enginn ódýrari iPhone?
Kjarninn 13. desember 2018
Bréf Icelandair rjúka upp eftir fréttir af samdrætti hjá WOW
WOW air dregur verulega saman rekstur sinn. Afleiðing þess er sú að hlutabréfaverð í stærsta samkeppnisaðila fyrirtækisins hefur hækkað verulega.
Kjarninn 13. desember 2018
Fjöldauppsagnir hjá WOW og flugvélum fækkað
Mörg hundruð manns verður sagt upp í dag hjá WOW air og mun félagið selja fjórar vélar.
Kjarninn 13. desember 2018
Sólveig Anna Jónsdóttir
Hver er krafa vinnuaflsins?
Kjarninn 13. desember 2018
Primera air
Travelco tapaði fimm milljörðum á falli Primera air
Andri Már Ingólfsson segir tap Travelco nema fimm milljörðum vegna gjaldþrots Primera air. Andri Már segir að Primera Air væri enn í rekstri hefði Arion banki verið reiðubúinn til að veita félaginu brúarfjármögnun líkt og staðið hafði til.
Kjarninn 13. desember 2018
Vantrausttillaga gegn May felld í breska þinginu
Skömmu fyrir kosninguna lýsti hún því yfir að hún myndi hætta sem forsætisráðherra í lok kjörtímabilsins.
Kjarninn 12. desember 2018
Meira úr sama flokkiInnlent