Heild­ar­kostn­aður rits um sögu flug­valla og flug­leið­sögu á Íslandi eftir Arn­þór Gunn­ars­son sagn­fræð­ing sem Isa­via gaf út á dög­unum var 32 millj­ónir króna, þ.e. kostn­aður við heim­ilda­öfl­un, vinnslu texta, ljós­mynd­ir, umbrot og prent­un.

Þetta kemur fram í svari Isa­via við fyr­ir­spurn Kjarn­ans.

Sam­kvæmt svar­inu tók fjögur ár að vinna verkið en það er 546 blað­síð­ur. Björn Óli Hauks­son for­stjóri Isa­via færði Sig­urði Inga Jóhanns­syni sam­göngu- og sveit­ar­stjórn­ar­ráð­herra fyrsta ein­tak bók­ar­innar á dög­unum.

Í frétt sam­göngu- og sveit­ar­stjórn­ar­ráðu­neyt­is­ins kemur fram að árið 2016 hafi verið 70 ár liðin síðan Íslend­ingar fengu her­flug­velli banda­manna í Reykja­vík og Kefla­vík afhenta til eignar og hófu rekstur flug­leið­sögu­þjón­ustu á stórum hluta Norð­ur­-Atl­ants­hafs. „Árið 2017 voru líka þrjá­tíu ár liðin frá opnun Flug­stöðvar Leifs Eiríks­sonar sem olli straum­hvörfum í far­þega­flugi um Kefla­vík­ur­flug­völl. Flug­sam­göngur og inn­viðir sem þeim tengj­ast eru und­ir­staða sívax­andi ferða­þjón­ustu sem orðin er einn mik­il­væg­asti atvinnu­vegur þjóð­ar­inn­ar.“

Í frétt­inni kemur jafn­framt fram að það sé við hæfi þegar opin­bert fyr­ir­tæki lætur skrá svo merka sögu að tryggja að hún nái til sem flestra lands­manna. Bókin er því gefin út í raf­bók­ar­formi í opnum aðgangi á vef Lands­bóka­safns­ins og Isa­via.

Höf­undur rits­ins, Arn­þór Gunn­ars­son, er sjálf­stætt starf­andi sagn­fræð­ing­ur. Hann lauk BA prófi í sagn­fræði frá Háskóla Íslands árið 1990 og MS-­prófi í ferða­mála­fræði frá sama skóla árið 2011. Eftir Arn­þór liggur fjöldi greina um sagn­fræði­leg efni í tíma­rit­um, þar á meðal í Sögu, tíma­riti Sögu­fé­lags­ins.